ბულგარეთის დედაქალაქ სოფიაში მიმდინარე 16 წლამდე ვაჟთა ევროჩელენჯერზე საქართველოს ნაკრებმა გამარჯვება მოიპოვა. ირაკლი ტომარაძისა და ნიკა ცინცაძის გაწვრთნილმა ჩვენმა გუნდმა კვიპროსის ნაკრები 10 ქულის სხვაობით – 86:76 დაამარცხა და მოგება-წაგებები გაუთანაბრდა. შეგახსენებთ, რომ ჩვენი ნაკრები გუშინ, სადებიუტო მატჩში, სლოვაკეთთან 76:77 დამარცხდა და დღევანდელი გამარჯვებით სატურნირო მდგომარეობა გაიუმჯობესა. კვიპროსმა პირველ ტურში ჯგუფის ერთ-ერთ ფავორიტ უნგრეთთან დიდი სხვაობით წააგო და ცხადი გახდა, რომ ეს გუნდი ჯგუფიდან გასვლისთვის ვერ იბრძოლებდა. გეტყვით, რომ 4-გუნდიანი ჯგუფიდან ნახევარფინალში 2 საუკეთესო გადის და საქართველოს ნაკრებს პლეი-ოფში გასვლის
რაც შეეხება კვიპროსთან მატჩს, საქართველოს ნაკრებს თენგო გოგიშვილმა ულიდერა, რომელმაც 27 ქულა და 10 მოხსნა მიითვალა. 18 ქულა, 7 პასი და 4 მოხსნა ლუკა ალავიძის ანგარიშზე დაგროვდა.
საქართველოს ნაკრები ჯგუფის ბოლო შეხვედრას უნგრეთთან 18 აგვისტოს, თბილისის დროით 21:00 საათზე გამართავს.
GBF.GE
საქართველოს U16 ნაკრები სლოვაკეთთან ბოლო წამებზე – 76:77 დამარცხდა
