თებერვლის "ბაბლი" თბილისში - სერბეთსა და ფინეთს ვუმასპინძლებთ

საქართველო 2021 წლის ევროპის საკალათბურთო ჩემპიონატის საკვალიფიკაციო ტურნირის ბოლო ფანჯარას უმასპინძლებს, რომლის ფარგლებშიც 4 მატჩი გაიმართება:


E ჯგუფის მონაწილე ოთხივე ეროვნული ნაკრები – საქართველო, სერბეთი, ფინეთი და შვეიცარია, თბილისში შეიკრიბება, სადაც ეგრეთ წოდებული ბაბლის პრინციპით ჩვენი შესარჩევი ჯგუფის დასკვნითი 2 ტურის 4 შეხვედრა ჩატარდება.

საქართველოს ნაკრებმა “ბაბლის” პრინციპით, ნოემბრის ფანჯარაში, სულ ახლახან ფინეთში იასპარეზა და 2-დან 2 გამარჯვება მოიპოვა. ახალი “ბაბლის” სისტემით, ჯგუფის ოთხივე ნაკრების წევრები ერთ სასტუმროში ცხოვრობდნენ და გარეთ გასვლა ეკრძალებოდათ. გუნდები მხოლოდ ვარჯიშებსა და თამაშებზე, ერთ არენაზე დადიოდნენ და ერთმანეთთან შეხება, გარდა მატჩების დღეს უშუალოდ სათამაშო მოედნისა, არ ჰქონდათ. ამ და არაერთი სხვა რეგულაციით საკვალიფიკაციო მატჩების ჩატარება ფიბამ კოვიდ 19-ის პანდემიის გამო გადაწყვიტა, რათა მაქსიმალურად თავიდან აიცილოს მოთამაშეებისა და გუნდის წევრების ვირუსით დაინფიცირება.

ჩვენს ქვეყანას, რომელიც 2022 წელს ევრობასკეტს, ხოლო 2021 წლის ზაფხულში 20-წლამდელთა ევროპის ჩემპიონატს მასპინძლობს, საორგანიზაციო კუთხით კიდევ ერთი საპასუხისმგებლო მისია დაეკისრა და “ბაბლის” პრინციპით ევრობასკეტის საკვალიფიკაციო ეტაპის თებერვლის ფანჯრის ყველა შეხვედრას ჩაატარებს, რაც უდიდესი გამოცდილება იქნება მომავალი საკონტინენტო მნიშვნელობის ტურნირების წინ.