ევრობასკეტის პირველ ტურში საქართველოს ნაკრები „თბილისი არენაზე“ ბელგიასთან 76:79 დამარცხდა.
ჩვენი გუნდის მწვრთნელმა ზუროსმა პარკეტზე შემდეგი სასტარტო ხუთეული გაიყვანა: ცინცაძე, მაკფადენი, მამუკელაშვილი, ბითაძე, შერმადინი. თამაში ქულა-ქულაში წავიდა, შემდეგ მოხსნებში შეცდომები დავუშვით, ტაბუმ ორი სამქულიანი ჩაგვიგდო და დაბალქულიანი პირველი მეოთხედი 11:16 დასრულდა.
მეორე პერიოდი ბურთის რამდენიმე დაკარგვით დავიწყეთ, პერიმეტრში თავს კარგად ვერ ვიცავდით, შეტევაშიც სათანადოდ ვერ ვთამაშობდით, ჩვენი "დაბლები" ქულებს ვერ აგროვებდნენ, მეტოქე 11 ქულით გაგვექცა, თუმცა ანგარიშის შემცირება შევძელით და პირველი ტაიმი 6 ქულით წავაგეთ.
დიდი შესვენების შემდეგ ვიზავი 12 ქულით დაწინაურდა, ჩვენ საწინააღმდეგოდ მსაჯების შეცდომებმა იმატა, კარგი დაცვის და ბითაძის ჩინებული თამაშით სხვაობა 5 ქულამდე შევამცირეთ, ბელგიელებმა ორი ზუსტი სამიანით გვიპასუხეს. შემდეგ მაკფადენმაც ორი სამქულიანი ჩააგდო და დასკვნითი მეოთხედის წინ ტაბლოზე 51:58 დაფიქსირდა.
მეოთხე პერიოდი საქართველოს ნაკრებმა შეცდომებით დაიწყო, ბელგია 10 ქულით გაიჭრა წინ, მერე უპირატესობას დავეუფლეთ, მამუკელაშვილმა ზედიზედ 5 ქულა ჩააგდო, მაკფადენმა 4 ქულა მიაყოლა, სანაძემ სამიანი, 4 ქულით წინ გავედით, ბითაძემ ტრავმა მიიღო, რითაც მეტოქემ ისარგებლა, ანგარიში გაათანაბრა (70:70) და ოვერტაიმი დაინიშნა.
ოვერტაიმი ქულა-ქულა ქულაში მიმდინარეობდა. 11 წამით ადრე მამუკელაშვილმა საჯარიმოებით ანგარიში გაათანაბრა, 3 წამით ადრე 36 წლის ტაბუმ საპასუხოდ სამიანი ჩაგვიგდო, ბოლოს სანაძის სამქულიანმა ვერ უწია მიზანს და წავაგეთ.
ჩვენი გუნდიდან მამუკელაშვილმა 18 ქულა ჩააგდო (პლუს 13 მოხსნა), 17 მაკფადენმა (6 პასი), 14 ბითაძემ (9 მოხსნა, 3 დაფარება), 6 ბურჯანაძემ, 5-5 ანდრონიკაშვილმა და სანაძემ, 4-4 შერმადინმა და ჯინჭარაძემ, 3 ცინცაძემ. სტუმართა გუნდიდან 14-14 ქულით ყველაზე შედეგიანები მვემა და ტაბუ იყვნენ.
შემდეგ შეხვედრას საქართველოს ნაკრები 3 სექტემბერს ესპანეთთან გამართავს.
მონტენეგროს სენსაციამდე ცოტა დააკლდა - თურქეთის ნაკრები გამარჯვებით იწყებს [VIDEO]
ევრობასკეტი დაიწყო, ესპანეთმა ბულგარეთი გაანადგურა [VIDEO]
დღეს საქართველო ევრობასკეტს იწყებს - კალენდარი
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
საერთოდ საქართველოში სპორტი რა დონეზეა?გვყავს კი იმდენად ერუდირებული მწვრთნელები, რომ ახალგაზრდა თაობა გაზარდონ? ეს არა მარტო კალათბურთს ეხება, იგივეა თითქმის ყველა სახეობაში.ახალგაზრდობას კი უნდა რომ სპორტს გაყვეს? ეს ხომ რთული და ხშირად დაუფასებელი გზაა.უველაფერი უნდა მოიკლო, უნდა ცხოვრების უდიდესი ნაწილი მას დაუთმო და შედეგად...? ქვეყანაში სადაც ლავას ოღლი და შაქრო მალადოი უფრო პოპულარულები და ფინანსურად უფრო მძიმეწონოსანი არიან ვიდრე სპორტსმენი თუ მეცნიერი,რას ელით? ზუროსი დაალაგებს ამას ყველაფერს?
ბითაძემაც თუ ვერ გააგრძელა ტურნირი, მანდ ხომ საერთოდ აზრი ეკარგება ყვალეფერს... თუ შეძლებს თამაშს, რაღაც შანსი არის, რომ ბულგარეთს და მონტენეგროს მოვუგოთ და გავძვრეთ ჯგუფიდან.
ევროპის ჩემპიონატის დონის კალათბურთელები გვყავს მხოლოდ გოგა, სანდრი და ტედი. აქტიური როტაციისთვის კარგ ფორმაში მყოფი შერმადინი და ცინცაძე გამოდგებოდა, მაგრამ მიმდინარე მდგომარეობით მაგათი მაქსიმუმი 12-18 წუთია.
ბურჯანაძე დიდ დროს ვერ ქაჩავს, მაქსიმუმ 10-12 წუთიანი როტაციის კაცია, სანაძეზე იგივე ითქმის,
რატისთვის - ჯერ ადრეა ასეთი დონის ტურნირი,
სხვებზე საერთოდ არ არის საუბარი..
თუ არ გამოჩნდა მაღალი დონის კიდევ 3-4 კალათბურთელი, ვიქნებით მაჩანჩალა გუნდი, რომელიც ზოგჯერ გავა ევროპის ჩემპიონატზე და ჯგუფში მეოთხე ადგილისთვის იბრძოლებს..