ევრობასკეტის პირველ ტურში საქართველოს ნაკრები „თბილისი არენაზე“ ბელგიასთან 76:79 დამარცხდა.
ჩვენი გუნდის მწვრთნელმა ზუროსმა პარკეტზე შემდეგი სასტარტო ხუთეული გაიყვანა: ცინცაძე, მაკფადენი, მამუკელაშვილი, ბითაძე, შერმადინი. თამაში ქულა-ქულაში წავიდა, შემდეგ მოხსნებში შეცდომები დავუშვით, ტაბუმ ორი სამქულიანი ჩაგვიგდო და დაბალქულიანი პირველი მეოთხედი 11:16 დასრულდა.
მეორე პერიოდი ბურთის რამდენიმე დაკარგვით დავიწყეთ, პერიმეტრში თავს კარგად ვერ ვიცავდით, შეტევაშიც სათანადოდ ვერ ვთამაშობდით, ჩვენი "დაბლები" ქულებს ვერ აგროვებდნენ, მეტოქე 11 ქულით გაგვექცა, თუმცა ანგარიშის შემცირება შევძელით და პირველი ტაიმი 6 ქულით წავაგეთ.
დიდი შესვენების შემდეგ ვიზავი 12 ქულით დაწინაურდა, ჩვენ საწინააღმდეგოდ მსაჯების შეცდომებმა იმატა, კარგი დაცვის და ბითაძის ჩინებული თამაშით სხვაობა 5 ქულამდე შევამცირეთ, ბელგიელებმა ორი ზუსტი სამიანით გვიპასუხეს. შემდეგ მაკფადენმაც ორი სამქულიანი ჩააგდო და დასკვნითი მეოთხედის წინ ტაბლოზე 51:58 დაფიქსირდა.
მეოთხე პერიოდი საქართველოს ნაკრებმა შეცდომებით დაიწყო, ბელგია 10 ქულით გაიჭრა წინ, მერე უპირატესობას დავეუფლეთ, მამუკელაშვილმა ზედიზედ 5 ქულა ჩააგდო, მაკფადენმა 4 ქულა მიაყოლა, სანაძემ სამიანი, 4 ქულით წინ გავედით, ბითაძემ ტრავმა მიიღო, რითაც მეტოქემ ისარგებლა, ანგარიში გაათანაბრა (70:70) და ოვერტაიმი დაინიშნა.
ოვერტაიმი ქულა-ქულა ქულაში მიმდინარეობდა. 11 წამით ადრე მამუკელაშვილმა საჯარიმოებით ანგარიში გაათანაბრა, 3 წამით ადრე 36 წლის ტაბუმ საპასუხოდ სამიანი ჩაგვიგდო, ბოლოს სანაძის სამქულიანმა ვერ უწია მიზანს და წავაგეთ.
ჩვენი გუნდიდან მამუკელაშვილმა 18 ქულა ჩააგდო (პლუს 13 მოხსნა), 17 მაკფადენმა (6 პასი), 14 ბითაძემ (9 მოხსნა, 3 დაფარება), 6 ბურჯანაძემ, 5-5 ანდრონიკაშვილმა და სანაძემ, 4-4 შერმადინმა და ჯინჭარაძემ, 3 ცინცაძემ. სტუმართა გუნდიდან 14-14 ქულით ყველაზე შედეგიანები მვემა და ტაბუ იყვნენ.
შემდეგ შეხვედრას საქართველოს ნაკრები 3 სექტემბერს ესპანეთთან გამართავს.
მონტენეგროს სენსაციამდე ცოტა დააკლდა - თურქეთის ნაკრები გამარჯვებით იწყებს [VIDEO]
ევრობასკეტი დაიწყო, ესპანეთმა ბულგარეთი გაანადგურა [VIDEO]
დღეს საქართველო ევრობასკეტს იწყებს - კალენდარი
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
დაბალი მაჩვენებელია და რა წარმატებაზე ლაპარაკი საერთოდ???.... იქნებ 2 კარგ მსროლელის ნატურალიზება მოვახდინოთ? ან ესენი როგორმე გადავამზადოთ? რა ვიცი.... ყველა ხედავს, რომ ამ კომპონენტში საშინელი მდგომარეობააა.ფარზე მოხსნაში როგორც ვყოჩაღობდით მაგის ნახევარი რომ ზუსტი სროლები გვქონოდა თავისუფლად მოვიგებდით ამ თამაშს
არა დაცვა, არა 3ქულიანი პერიმეტრის გადაკეტვა, არა კომბინაციური თამაში, არა მეტოქის კალათში 3 ქულიანების ზუსტი ტყორცნა, არა საჯარიმოების გამოყენება!
არ გეცნობათ რომ, ეს ყველაფერი წელს საქართველოს ნაკრების შვოდივე ამხანაგურ თამასში და პლუს ჰოლანდიასთან ერთნაირად გამოჩნდა?
ეს არის სამწუხაროდ ჩვენი ნაკრების თაობის დასასრული.
შერმადინი დაბერდა,
შენგელიას პრონციპში დაღმასვლის პერიოდი ეწყება,
მაკფადენი ნუ ყველაზე უკლასო უცხოელია ვისაც კი უთამაშია ერთი სამიანი თუ წაუვიდა ეგაა.
სანაძე კატასტროფა,
ცინცაძე პენსიაზეა დიდი ხანია და გვრჩება მამუკელაშვილი, ბითაძე რომლებიც ამ ყველაფრის ყურებით ასევე მომენტებში ბანძდებიან იმიტომ რომ, წართველებს ძალიან სამწუხარო მენტალური პრობლემები გვაქვს თუ რამე ისე არ წავიდა ეგრევე ვირევით და უსუსურ ბავშვურ შეცდომებს ვუშვებთ.
დღე რაც ვუყურე ეს არის სამარცხვინო თამაში ესე ეზოს გუნდები თამაშობენ