კალათბურთი

ეროვნული ნაკრები

22:55 06-09-2022

ბულგარეთის 19 სამქულიანი, საქართველოს ნაკრების მარცხი და ჯგუფიდან გასვლის გართულებული შანსი [VIDEO]

AutoSharing Option Yes No

AUTO PLAY

საქართველოს ნაკრები 2022 წლის ევრობასკეტის მეოთხე დღეს ბულგარეთის ნაკრებს დაუპირისპირდა და 80:93 დამარცხდა.

აღსანიშნავია, რომ ბულგარელებმა 19 სამქულიანის ჩაგდება მოახერხეს. სტუმართა რიგებიდან კარგი შეხვედრა ჩაატარა დი ბოსტმა, 32 წლის გამთამაშებელმა 33 ქულის, 4 მოხსნისა და 12 ასისტის დაგროვება შეძლო.

ქართველთა მხრიდან საუკეთესო იყო გოგა ბითაძე, რომელმაც 21 ქულა, 6 მოხსნა და 3 შედეგიანი გადაცემა მიითვალა.

ჩვენი ნაკრები ჯგუფიდან გასვლის შანსს ინარჩუნებს - იმ შემთხვევაში, თუ ხვალ მონტენეგროსთან დადებით შედეგს დავაფიქსირებთ და ბელგია ბულგარეთს დაამარცხებს, მომდევნო ეტაპის საგზურს მოვიპოვებთ.

ილიას ზუროსის

გუნდმა ევრობასკეტზე მესამე მარცხი განიცადა და მე-6 პოზიციაზე იმყოფება. ჩვენი ნაკრები ჯგუფური ეტაპის ბოლო მატჩს ხვალ, მონტენეგროს წინააღმდეგ გამართავს. შეხვედრა 21:00 საათზე დაიწყება.

ბულგარეთის ნაკრებმა ჯგუფურ ეტაპზე პირველი გამარჯვება მოიპოვა და მე-5 პოზიციაზე გადაინაცვლა. ბარხოვსკის გუნდი ხვალ, 18:15 საათზე, ბელგიას დაუპირისპირდება.

alt ჩხუბი, გაძევებები, ორი ოვერტაიმი - საქართველოს ნაკრებმა თურქეთს სძლია [VIDEO]

ტეგები:

საქართველოს კალათბურთელთა ნაკრები

ბულგარეთის კალათბურთელთა ნაკრები

ავტორი : ნიკალა მახარობლიშვილი

შეაფასეთ სტატია:

მკითხველის კომენტარები / 99 /

თარიღის მიხედვით

მოწონებების მიხედვით

ზუროსისგან სულ გვსმენია დაცვა, დაცვაო დაცვა იგებს თამაშსო! აბა დაცვა? დაცვა კი არა შეტევა იგებს თამაშებს გოლდენ სტეიტი იმდენ სამქულიანს ყრის მაგრად კიდია შენი დაცვა, ზუროსმა გადააჩვია ნაკრები პერიმეტრიდან სროლას კოკოშკოვის დროს ბევრად უკეთ ვისროდით მაკფადენსაც კი გაუბანძა მაჯა და ვარჯიშებზეც მე რაც ვნახე სულ დაცვით კომბინაციებს ავარჯიშებს, სამიანიდან სროლა დაივიწყეს ბიჭებმა, ან ეს ორმაგი დაცვა ხედავ არ ამართლებს და სულ თავისუფლად გააქვთ ბურთი პერიმეტრზე და მარტო დარჩენილი მარტივად გვიგდებს, რომ ამბობთ გამართლებაა 19 სამქულიანიო მაგის რანაირად გჯერათ? ყველას ჩვენთან რანაირად უმართლებს, ბელგიასაც გაუმართლა სამიანები და ესპანეთსაც? უკრაინასაც, უნგრეთსაც ?ყველამ ამოგვტენა ვისაც არ დაეზარა კარიერის მატჩები ჩაატარეს მსროლელებმა, პრობლემა უფრო ღრმაა არასწორი მიდგომა უაზრო ქაოტური გაცვლები და პერიმეტრზე მარტო დარჩენილი მოწინააღმდეგე რომელიც აუცილებლად ჩაგიგდებს სამიდან ორს მაინც. ან ამ შერმადინს რა დაემართა ყოველ კვირის ბოლოს ემვიპი ხდებოდა ესპანეთში, თორნიკეზე იყო გუნდი აწყობილი და საყრდენის გამოცლამ კონსტრუქცია მთლიანად ჩამოშალა. კარგი კაცია ზუროსი მაგრამ დროა წავიდეს, მხოლოდ დაცვა არ იგებს თამაშებს ზუროს!!! წარმატებები სხვაგან !

გოგა

გამოხმაურება

07 სექტემბერი 2022 00:23

უკვე პირველი მოსამზადებელი თამაშებიდან ჩანდა,რომ კალათბურთელები ძალიან შორს იყვნენ სასურველი ფორმიდან და იქამდე მიახლოებით მაინც მიყვანა,შეუძლებელი აღმოჩნდა.ვერც დაცვა დალაგდა და ვერც შეტევა.თამაში შენგელიაზე იყო აწყობილი და მისმა ტრავმამ სრულკიად დაგვშალაო ვიტყვით,მაგრამ მოსამზადებელ თამაშებზე,ისიც ხომ იყო და რა,უკეთესები ვიყავით?ადრე მაკფადენი მაინც ისროდა პერიმეტრიდან სტაბილურად.წელს კი,მისგანაც ჩრდილია დარჩენილი.მგონი გუნდი ფსიქოლოგიურადაა გადამწვარი.თბილისში ტურნიტის ჩატარებამ და შესაბამისად,დიდმა პასუხისმგებლობამ ბიჭები დათრგუნა და ვერ აჩვენებენ სასურველ თამაშს.კი,თავს სდებენ მოედანზე,არაფერს ზოგავენ,მაგრამ აშკარად შებოჭილები არიან.სხვანაირად აუხსნელი ჩანს,ჩვენი ასეთი უსუსურობა.ალბათ დროა,ნაკრებებში ფსიქოლოგიური მომზადების სპეციალისტები მოიწვიონ.მგონი მათი საჭიროება უკვე აშკარაა.ძალიან ბევრ გადამწყვეტ მატჩში ვეღარ ვახერხებთ,სრული ძალით ბრძოლას და გამარჯვებას და ყოველთვის ცხადად ჩანს ხოლმე,რომ მეტოქე კი არ გვამარცხებს,არამედ ჩვენ თვითონ ვაგებთ.

სოსო

გამოხმაურება

07 სექტემბერი 2022 00:15

რამდენიმე წლის წინ, ინტერნეტში, საქართველოს ასაკობრივი ნაკრების თამაშს ვუყურებდი,ლაივ სტრიმში.ფხაკაძე იყო ნაკრების მწვრთნელი და მთელ დარნაზში,მხოლოდ მისი განუწყვეტელი დედის გინება ისმოდა.ბითაძეც იყო იმ ნაკრებში,თუ მეხსიერება არ მღალატობს და 17,ან 18 წლამდელები,ფაქტობრივად ბავშვები იყვნენ.მწვრთნელი მათთვის პირველ რიგში პედაგოგია და არ მესმის,როგორ შეეძლო მაშინდელ ფედერაციას,მისი ბავშვთა მწვრთნელად გაშვება.ბიჭები დამოუკიდებლად ვერაფერს აკეთებდნენ და რა თქმა უნდა წააგეს.ფხაკაძე შესაძლოა კარგი მწვრთნელიცაა,მაგრამ მისი ბავშვებთან მუშაობა,არ შეიძლებოდა.მოზარდებთან დიდი სიფრთხილეა საჭირო,რაც ხშირად ავიწყდებათ.რაგბში იმიტომ ვიზრდებით სწრაფი ტემპით,რომ ბავშვთა მწვრთნელების გადამზადებაზეა აქცენტი გაკეთებული და მათ თანდათან სულ უფრო თანამედროვე მეთოდებით ზრდიან.რა თქმა უნდა ამას დიდი ფული და ძალისხმევა სჭირდება,სწორ ორგანიზაციასთან ერთად და ჯერჯერობით,მგონი ყველაფერი წესრიგშია,კალათბურთისაგან განსხვავებით.

სოსო

07 სექტემბერი 2022 12:37

ფსიქოლოგი კარგია, მაგრამ პრობლემა არის ბავშვების გაზრდაში და არა მარტო კალათბურთში. ორი წარმატებული სახეობა გვაქვს - რაგბი და წყალბურთი (ერთი აუზით). რაგბშიც ბიძინას რო არ აეშენებინა სტადიონი არ იყო სარაგბო საქართველოში. ბავშვი დამყავდა კალათბურთზე და ერთხელ დავესწარი ვარჯიშს. არ ვარ სტორტიდან შორს - რაგბს ვთამაშობდი. რაც იმ ვარჯიშზე ვნახე იმის შედეგი არის ეს! მეც მყავდა მწვრთნელი და ვარჯიშზე რა ხდება და ვინ რას აკეთებს რო არ აინტერესებს, ესეთი არ მინახია. რაგბში კი ვართ მსოფლიოში 12 და კალათბურთში მერამდენე ვართ? თან როგორი საკალათბურთო ტრადიციები გვაქვს, გულდასაწყვეტია.

Lindbergh

07 სექტემბერი 2022 10:07

ნაკრებში 3-4 კალათბურთელის გარდა,სხვა მოთამაშეებს ელემენტარული საკალათბურთო ინტელექტი არ გააჩნიათ! რაც პირველ რიგში სათამაშო დისციპლინასა და პასუხისმებლობას საკუთარი თავისა და თანაგუნდელების წინაშე ნიშნავს.თურქების წინააღმდეგ იყო შემართება,ჟინი და მოტივაცია, პლიუს მე-11 მოთამაშე მაყურებელი.მაგრამ მაყურებელმა კი არ უნდა აიყოლიოს მოთამაშეები,არამედ გუნდმა უნდა აიყოლიოს მაყურებელი თავიანთი ცეცხლოვანი და ლამაზი თამაშით.და კიდევ,თურქები თამაშობენ ნელ,ზომიერ ტემპში.ნებისმიერი სუსტი ნაკრები რომელიც,სწრაფი რიტმით თამაშობს ვიდრე საქართველო,დიდ პრობლემებს გვიქმნის,როგორიც დღეს იყო ბულგარეთთან, როცა მეტოქემ სამქულიანებით დაგვბომბა პერიმეტრიდან.დაეტიეთ იქ დარბაზში და 3-4 საათი მარტო 3 ქულიანებზე ივარჯიშეთ სანამ ავტომატურად არ დახვეწთ!სირცხვილია საშინელი როცა ნებისმიერი გუნდი შენზე მეტ 3 ქულიანებს ყოველ აგროვებს კონკრეტულ თამაშში!

KOSTAKURTA

გამოხმაურება

07 სექტემბერი 2022 00:13

Lado Natsvlishvili მოგესალმებით ❤️თუკი ჩვენ მონტენეგროს დავამარცხებთ და ბულგარეთი მოუგებს ბელგიას, ოთხივე ნაკრებს ხომ თანაბრად 4-4 ( იგივე 7-7) ქულა დაგვიგროვდება? რა პრიორიტეტით აირჩევა ამ 4 ნაკრებიდან საუკეთესო? ბურთების სხვაობით თუ ურთიერთშეხვედრებით?

ილიავარ...

გამოხმაურება

07 სექტემბერი 2022 00:07

სასწრაფოდ მწვრთნელია შესაცვლელი. რახანია ვამბობ, ჩემი აზრია რათქმა უნდა. ამ შემადგენლობით, თუნდაც თოკოს გარეშე, ბევრად უკეთესი გუნდის გაკეთება შეიძლება. მახსოვს ფაჩულიას დროინდელი ნაკრებით, ზუროსმა ევრობასკეთი ჩააგდო. ის გუნდი ბევრად კონკურენტუნარიანი იყო.არაუშავს მომავალი ცუდად არჩანს, კარგი მწვრთნელი და 1-2 წელში, სანდროს და გოგას ვერ გააჩერებენ. ასე მგონია მე...

ლევანი

გამოხმაურება

07 სექტემბერი 2022 00:05

ზუროსი ისევ მაღალის დონის მწვრთბელად მიგაჩნიათ ვისაც აქამდე მიგაჩნდათ? მესამე მეოთხედში ბულქარეთმა შეცვალა ტაქტიკა და ზუროსმა რა დაუპირისპირა? ან ასეთი შეუთამაშებელი ხუთეულები რატომ გვყავს? ან სანდროზე რატომ არ ეწყობა თამაში. საკუთარ არენაზე ასე უსუსურად არ უნდა გამოვიყურებოდეთ.

???

გამოხმაურება

07 სექტემბერი 2022 00:04

dgevandel sports samtuxarod msoflio totalizatoris mamebi tkvets,ramdens ekneboda dges sakartveloze tanxa dadebuli da gausxa...mokled me mgonia xval belgia mougebs bulgarets,chven kidev montenegros da gavalt jgufidan,magram mere ra unda vknat? faktobrivad ekvsi kalatburteli gvkavs brzolisunariani.

qomagi

გამოხმაურება

07 სექტემბერი 2022 00:03

გახსოვთ რა ამბავი იყო,უკრაინას თამაში როგორ მიეცითო?ამ უკრაინაზე იძახდით რომელმაც იტალიას მოუგო საკუთარ სახლში და გავიდა შემდეგ ეტაპზე,წინა ევრობასკეტზეც მოგვიგო და ჩაგვტოვა ჯგუფში!!ახლაც ვერ გავალთ, როგორც ჩანს ჩვენთვის მთავარია მონაწილეობა და არა მოგებაა!!!

ბექა

გამოხმაურება

06 სექტემბერი 2022 23:56

ვაღიაროთ ჩვენი სეზონი არ არის წელს. გუნდი ძალიან მოუმზადებელი და შეუთამაშებელია. 3 ქულიანების სროლა კატასტროფულია დაკარგვები ხო საერთოდ. არცერთი კალათბურთელი არ იყო სტაბილური არცერთი!!!მაგრამ უიღბლობაც უნდა ვახსენოთ ასეთი უიღბლობა დიდიხანია არ მიგვრძვნია კალათბურთში.

ვალერი

გამოხმაურება

06 სექტემბერი 2022 23:54

სულ რომ ევროპის ჩემპინატი მოიგონ ვერდიქტი არის ერთი: უსუსური ნაკრები! მწვრთნელი გასაშვებია, ნორმალური 2 ნატურალიზირებული მაინც უნდა გვყავდეს და არა ეს გამონათებით, რომ არის ხოლმე. მერამდენე მატჩია ვაგებთ ერთი და იგივე სცენარით, სამქულიანებს გვიყრიან რადგან ვერ ვასწრებთ პერიმეტრზე ასვლას და იქვე ფარქვეშაც ასხლეტილზეც ძალიან ხშირად ვაგებთ? ჩვენ ვერ ვაგდებთ და რაც მთავარია ყოველი ჩვენი შეტევა არის ჯახირი და ინდივიდუალურობაზე დამოკიდებული, არანაირი გუნდურობა, შეხედეთ სხვა გუნდებს, ბევრად უფრო ნაკლები დონის კალათბურთელებით ბევრად უფრო მეტს აღწევენ. დღევანდელ დღესაც იმდენად დაბნეულები იყვნენ რომ სწრაფი გათამაშების მაგივრად (ბოლო წუთი) ზოზინებდნენ და ვის რა უნდა ექნა გარტყმაში არ იყვნენ!!! შეცდომებზე საერთოდ არაფერს ვიძახი, ბურთის ხელიდან გავარდნა თუ ფარქვეშ ჩაძინება, კატასტროფაა და მეტი არაფერი, მე მგონი ეროვნული ფორმა რომ გაცვია ცოტა გააზრებაც უნდა, მერამდენედ უნდა დაუშვან ბავშვური შეცდომები? თურქებთან რომ არა მათი ბოლოში ტექნიკურები და სამქულიანების აცილებები ვერც მოვიგებდით. აი ესეა როდესაც ბოლო წელი უნიათო თამაშს ანახებ და რეაგირების მაგივრად ხან რას გაამართლებენ და ხან რას

Guderian

გამოხმაურება

06 სექტემბერი 2022 23:53