- კალათბურთის ეროვნული ნაკრების მთავარი სპონსორია "საქართველოს ბანკი"
საქართველოს ეროვნულ ნაკრებს არსებობის ისტორიაში ერთ-ერთი ყველაზე პრინციპული მატჩი ელის. ხვალ, 30 აგვისტოს, ილიას ზუროსის გაწვრთნილი ჩვენი ეროვნული გუნდი ვენესუელის ნაკრებს დაუპირისპირდება და გამარჯვების შემთხვევაში მსოფლიო ჩემპიონატის მომდევნო ეტაპზე გავა. წარმატების შემთხვევაში, საქართველო შესაძლებელი 6 ქულიდან 5-ს მოაგროვებს და მეორე ჯგუფურ ეტაპზე 2 გამარჯვებას გაიყოლებს. მეორე ჯგუფურ ეტაპზე საქართველოს 3 მოგების მქონე გერმანია და ჩვენსავით 2 მოგების მქონე ავსტრალია დახვდება, რომლებთან ორთაბრძოლაშიც კიდევ უფრო შორს – მანილაში წასვლისა და მეოთხედფინალში თამაშის შანსი ექნება.
![Sportall.Ge](/pictures/artimages/original/febd5ecd571ab7fb8a531045a799124d.png "როგორია შანსები - ვენესუელასთან მატჩამდე საქართველოს ნაკრებმა "გიმნაზიუმ არენაზე" ივარჯიშა")
ჩვენმა ნაკრებმა დღეს ოკინავას "გიმნაზიუმ არენაზე" ივარჯიშა. ანატოლი ბოისამ და მანუჩარ მარკოიშვილმა ილიას ზუროსთან ერთად ჩვენი გუნდის წევრები კონკრეტულ კომბინაციებზე ავარჯიშეს. რამდენიმე მოთამაშემ დაისვენა – სლოვენიასთან ხისტი თამაშის შემდეგ მწვრთნელებმა გუნდის კაპიტანს აქტიური ვარჯიშისგან თავის შეკავება ურჩიეს. ძირითადი დრო ფარში სროლებს დაეთმო, ჩვენმა ბიჭებმა პრინციპული მატჩის წინ მიზანი გაისწორეს.
საქართველოსა და ვენესუელის მატჩი იაპონიის ქალაქ ოკინავას არენაზე 17:00 საათზე (თბილისის დროით 12:00) დაიწყება. მატჩის პირდაპირ ტრანსლაციას საზოგადოებრივი ტელევიზიის "პირველი არხი" შემოგთავაზებთ.
GBF.GE
![alt](/pictures/image50/ea6ff0285218af9fee3a246cd142b348.png "როგორია შანსები - ვენესუელასთან მატჩამდე საქართველოს ნაკრებმა "გიმნაზიუმ არენაზე" ივარჯიშა")
გერმანიამ ფინეთსაც მოუგო და ჯგუფში 1-ელ ადგილზე გავიდა
