საკადრო პრობლემების გამო ისედაც რთულ მდგომარეობაში აღმოჩნდა საქართველოს კალათბურთელთა ნაკრები მსოფლიოს თასის გათამაშების წინ და მეტად უსიამოვნო ინფორმაცია მივიღეთ, როდესაც ნატურალიზებულმა კალათბურთელმა მაიკლ დიქსონმა "ვენეციასთან" შეხვედრაში ტრავმა მიიღო.
საბედნიეროდ, ორი მატჩის გამოტოვების შემდეგ, მაიკლი ჩვეულად ათამაშდა - საფრანგეთის ჩემპიონატზე ერთ-ერთ ლიდერთან "მონაკოსთან" 14 ქულა ჩააგდო, ჩემპიონთა ლიგაზე პოლონეთში "როსა რადომთან" 13 და თავისი გუნდის გამარჯვებებში მნიშვნელოვანი წვლილი შეიტანა.
19 ნოემბერს კი დიქსონმა საფრანგეთის ჩემპიონატის მე-10 ტურში, სახლში, მე-3 ადგილზე მყოფ ვიიერბანის "ასველთან" მოგებულ შეხვედრაში (82:76) მართლაც ჩინებულად იასპარეზა.
თავად განსაჯეთ: 20:44 წუთში 17 ქულა ჩააგდო (7-დან 6 ორქულიანი, 4-დან 1 სამქულიანი და 2-დან 2 საჯარიმო), 4-ჯერ მოხსნა და 6-ჯერ ჩაჭრა ბურთი. ის თავის გუნდში ყველაზე შედეგიანი იყო, ხოლო ორივე გუნდიდან ყველაზე მეტი ქულა ნატურალიზებულმა პოლონელმა აი სტაუგტერმა მოაგროვა (23).
შეგახსენებთ, საქართველოს ნაკრები 24 ნოემბერს გერმანიას ხვდება, ხოლო 27 ნოემბერს სერბეთს.
02:56 20-11-2017
საქართველოს ნაკრებში წამოსვლამდე მაიკლ დიქსონმა დიდებულად ითამაშა [VIDEO]
AutoSharing Option
მკითხველის კომენტარები / 3 /
მოწონებების მიხედვით
თარიღის მიხედვით
მაიკლ შენ ნამდვილი ქართველი ხარ,და მაგალითის მიმცემი ყველა ქართველი კალათბურთელისათვის იქნებ მოგბაძონ.
9
1
მინიმუმ 20 ქულას ველოდები გერმანისთან და სერბეთთან მატჩში ამისგან
4
0
ყველა კომენტარი
გააკეთეთ კომენტარი
ასევე დაგაინტერესებთ
უძრავი ქონება
79.00 k
240.00 k
სიახლეები
პოპულარული
