უდიდესი ნაპერწკალი სკამზე - ზაზა ფაჩულიას შესანიშნავ თამაშს ამერიკული პრესა ეხმაურება

ზაზა ფაჩულიას "გოლდენ სტეიტი" გასვლით შეხვედრაში "მინესოტასთან" 103:109 დამარცხდა, თუმცა გუნდის ქართველმა ცენტრმა მატჩში ბრწყინვალე შთაბეჭდილება დატოვა.

ზაზამ 25:27 წუთში 16 ქულა ჩააგდო (9-დან 7 ორქულიანი, 3-დან 2 საჯარიმო), 11-ჯერ მოხსნა და ერთხელ ჩაჭრა ბურთი, 2-ჯერ დაუფარა მეტოქეს და 2 პერსონალური მიიღო. ეს ზაზას ამერიკულ კარიერაში 113-ე ორმაგი დუბლია.

• ზაზას 113-ე ორმაგი დუბლი კარიერაში - ფაჩულიამ "მინესოტას" 16 ქულა ჩაუგდო! [VIDEO]

მის შესანიშნავ ასპარეზობას ამერიკული მედია ეხმაურება.

საიტი Sfgate.com ფაჩულიას შესახებ წერს:

"ფაჩულიას პირველ 118 შეხვედრას "უორიორსის" რიგებში შეგვიძლია რუტინული ვუწოდოთ. ყოველთვის ადვილია, შეხვედრა დაიწყო პირველი წუთებიდან, ვიდრე მეორე და ბოლო მეოთხედებიდან.

დაახლოებით ორი კვირაა, რაც ჯაველ მაკგიმ ფაჩულია ძირითადი ხუთეულიდან ამოაგდო. ზაზამ იცის, როგორ უნდა მოემზადოს ფსიქოლოგიურად, როდესაც მას არ ათამაშებენ.

"პორტლენდთან" თამაშის შემდეგ, სადაც მას 6 წუთზე მეტი არ მისცემია, 48 საათიც არ იყო გასული და მან "მინესოტასთან" შეხვედრაში "უორიორსის" რიგებში კარიერის ერთ-ერთი საუკეთესო შეხვედრა ჩაატარა.

ის დაცვაშიც მყარად იდგა და შეეძლო მოეძებნა თავისუფალი მსროლელი. ALL STAR-ის შემდეგ სტივ კერმა გადაწყვიტა, ძირითად ხუთეულში ცვლილებები შეეტანა, რომელმაც არ გაამართლა.

"უორიორსს" ბოლო 5 თამაშში დაცვაში იმაზე უარესი შედეგი ჰქონდა, ვიდრე გასული სეზონის ამ პერიოდისთვის და ამავე შემადგენლობისთვის. კერის იმედი ჰქონდა, რომ მაკგის ენერგიულობა და სისწრაფე გუნდს უფრო წაადგებოდა.

შეგვიძლია ვთქვათ, რომ ზაზას ეს ღამე ნამდვილად არ დაავიწყდება. მისი სათამაშო დროიდან გამომდინარე, ფაჩულიამ ის გააკეთა, რაც მას ევალებოდა", - ნათქვამია სტატიაში.

ფაჩულიას წარმატებულ ასპარეზობას ეხმიანება საიტი Mercurynews.com:

"უორიორსის" თვითმფრინავი მინესოტაში შაბათს დილით დაეშვა და კალათბურთელებს მშვიდად შეეძლოთ სადილზე წასულიყვნენ, თუმცა ასე არ იყო ქართველი ცენტრი ზაზა ფაჩულია, რადგან ყოველთვის რთულია იცოდე, საერთოდ ითამაშებ თუ არა.

თუმცა, ფორმისა და სტაბილურობის შენარჩუნება მუდამ მნიშვნელოვანია. ფაჩულიას კი ბოლო დროს ძალიან მცირე სათამაშო დრო ეძლეოდა და ბოლო მატჩში "პორტლედთან" მხოლოდ 6 წუთი დაეთმო.

გუშინდელ შეხვედრაში ფაჩულიამ სეზონში მისი პირველი ორმაგი დუბლი გაიფორმა და ის გუნდისთვის ძალიან მნიშვნელოვანი მოთამაშე იყო.

სტივ კერის ეგონა, რომ ზაზა ფაჩულიას სათადარიგოთა შორის გადანაცვლებით უკეთეს შედეგს მიიღებდა, მაგრამ რა მიიღო მან? ფაჩულიამ მას საპირისპირო დაუმტკიცა.

პირველი პერიოდის დასრულებამდე 3:47 წუთი რჩებოდა და კერიმ გადაწყვიტა, მაკგის ნაცვლად პარკეტზე ფაჩულია შეეყვანა. მოულოდნელად, მან თამაში შესანიშნავად დაიწყო და კევინ დურანტმა თამაშის შემდეგ ზაზას "უდიდესი ნაპერწკალი სკამზე" უწოდა.

ზაზა ამბობს, რომ არასდროსაა ადვილი, რთულ სიტუაციებს გაუმკლავდე, რადგან შენ წახვალ და შენს ადგილს სხვა დაიკავებს. ის ყველაფერს ეგუება და თავის შანსს მოთმინებით ელოდება.

ის ამბობს, რომ ყველაფერი შენს ხელშია, შენ შესახებ ცუდს ილაპარაკებენ თუ კარგს. შენ ხარ ადამიანი და თითოეული გადაწყვეტილება თავად უნდა მიიღო. ყველაფერი შენს ხელთაა და ყველა სიტუაციას უნდა გაუმკლავდე", - ნათქვამია სტატიაში.