გოგა ბითაძე NBA-ს წლევანდელ დრაფტზე დადგება. ეს მისმა მენეჯერმა მიშკო რაჟტანოვიჩმა სოციალურ ქსელში დაადასტურა. ▶ გოგა ბითაძე NBA-ს დრაფტზე დადგება
Sportall.ge კალათბურთელს დაუკავშირდა და ამ თემის შესახებ ესაუბრა.
- თქვენ NBA-ს დრაფტზე დადგებით...
- დიახ, ჩემი სახელი იქნება დრაფტზე, მაგრამ არ მაქვს გადაწყვეტილი, ბოლომდე დავტოვებ თუ არა ჩემს სახელს დრაფტზე.
- რატომ?
- არ ვიცი... შეიძლება შემდეგი წლისთვის გადავდო.
- რომელიმე კლუბთან თუ გაქვთ მოლაპარაკება? უცხოურ პრესაში იწერება, რომ არის "მინესოტას" ვარიანტი...
- რა თქმა უნდა, მიდის საუბარი რამდენიმე კლუბთან,
- რომელ გუნდში გინდათ მოხვედრა?
- ნებისმიერ გუნდში მოხვედრა ძალიან გამიხარდება, სადაც კარგი როლი მექნება.
- ზაზა ფაჩულია დიდი ხანია NBA-ში თამაშობს. ამ თემაზე მასთან თუ ისაუბრეთ?
- არა, ზაზასთან ნამდვილად არ მისაუბრია.
- როგორ შეაფასებდით გასულ სეზონს, როგორც საკლუბო, ისე სანაკრებო დონეზე?
- კლუბში შედარებით კარგი სეზონი იყო, მაგრამ უკეთესიც შეიძლებოდა. რაც შეეხება ნაკრებს, ვფიქრობ, რომ არცთუ ისე კარგი სეზონი მქონდა.
- თქვენი აზრით, ვინ გახდება წელს NBA-ს ჩემპიონი?
- ძალიან რთულია მაგის თქმა, რადგან ბევრი კარგი გუნდია, მაგრამ მე ვფიქრობ, რომ ეს გუნდი "ტორონტო რეპტორსი" იქნება.
▶ NBA. პლეი ოფები: ზაზა ფაჩულიას "გოლდენ სტეიტის" მეტოქე ცნობილია
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
