საქართველოს ეროვნული ნაკრების ნატურალიზებულმა ამერიკელმა წევრმა თედ მაკფადენმა, რომელიც "ტენერიფე იბეროსტარის" ღირსებას იცავდა, ესპანური კლუბი დატოვა. მიზეზი და ის, თუ სად გააგრძელებს მაკფადენი კარიერას, უცნობია.მაკფადენმა ესპანეთის ჩემპიონატში 15 მატჩი ჩაატარა და ტენერიფელთა ერთ-ერთი ლიდერი იყო. მისი საშუალო მონაგარი კი 12.4 ქულა, 1.5 მოხსნა და 2.3 პასი იყო. ამასთან, ის კვირის საუკეთესო მოთამაშედ 2-ჯერ დასახელდა.
თედმა ტენერიფელთა მაისურით ჩემპიონთა ლიგაში 11 შეხვედრა ჩაატარა, სადაც საშუალოდ 9.5 ქულას, 2.3 მოხსნასა და 3.1 პასს იხვეჭდა.
![alt](/pictures/image50/c153baddb258a41052637c0704aa6ff3.jpg "საქართველოს ნაკრების წევრმა თედ მაკფადენმა "ტენერიფე" დატოვა")
თედ მაკფადენის "ტენერიფემ" პაოკ-ი დაამარცხა - საქართველოს ნაკრების წევრი ჩემპიონთა ლიგის პლეი-ოფშია
მომზადებულია Gbf.ge-ს მიხედვით
