19 წლის ქართველი კალათბურთელი გოგა ბითაძე ადრიატიკის ლიგის რეგულარული სეზონის ყველაზე სასარგებლო მოთამაშე (MVP) გახდა.
ამის შესახებ ინფორმაცია ადრიატიკის ლიგის ოფიციალურმა ვებგვერდმა გაავრცელა.
"ბითაძემ ეს აღიარება ლიგაში საკუთარი დომინაციით დაიმსახურა. ლიგის 2018/19 წლების სეზონი დასრულდა და შედეგების შეჯამების შემდეგ რეგულარული სეზონის საუკეთესო მოთამაშე "ბუდუჩნოსტის" დიდი კაცი გახდა", - წერს საიტი.
ბითაძე სეზონში საშუალოდ 16.3 ქულას, 6.4 მოხსნას, 2 ბლოკს, 0.9 გადაცემას აგროვებდა, ხოლო მისი სარგებლიანობის კოეფიციენტი საშუალოდ მატჩში 20-ს აღწევდა.
აქვე გეტყვით, რომ აქამდე ბითაძემ ოქტომბრის MVP-ს ტიტული მიიღო და
ასევე 21-ე ტურის MVP-ც გახდა.
გოგა ბითაძის 2018/19 წლების სეზონის საუკეთესო მომენტები ადრიატიკის ლიგაში
"მიუხედავად ბითაძის სტატისტიკური და ინდივიდუალური გამაოგნებელი მიღწევებისა, ის "ბუდუჩნოსტის" გუნდის მნიშვნელოვანი ნაწილი იყო და ლიგის პლეი-ოფში გასვლაში დაეხმარა. ამან მნიშვნელოვნად განაპირობა მისი რეგუალური სეზონის MVP-დ გამოცხადება", - აღნიშნავს ლიგის საიტი.
ამ ყველაფრის გარდა, ბითაძე ადრიატიკის ლიგის რეგულარული სეზონის სიმბოლურ ხუთეულშიც მოხდა და ლიგის საუკეთესო ახალგაზრდა კალათბურთელად დაასახელეს.
ბითაძეს დიდი ხანია NBA-ს სკაუტები აკვირდებიან. ეს მნიშვნელოვანი აღიარება კი უკვე ნამდვილად იძლევა იმის საფუძველს, რომ ახალგაზრდა ქართველ ვუნდერკინდს NBA-ს დრაფტზე პირველივე რაუნდში აირჩევენ და თანაც მაღალი პიკით.
"ბუდუჩნოსტმა" რეგუალური სეზონის მესამე ადგილზე დაასრულა და პლეი-ოფში "ცედევიტას" შეხვდება. პირველ მატჩს გოგა ბითაძის სტუმრად 25 მარტს ჩვენი დროით 22:00 საათზე გამართავს.
ოფიციალურად: გოგა ბითაძე ადრიატიკის ლიგის საუკეთესო ახალგაზრდა მოთამაშედ დასახელდა
Bleacherreport: დრაფტზე გოგა ბითაძეს 27-ე ნომრად "ბრუკლინი" აირჩევს
NBADraft.net: ბითაძემ რეალურად აამაღლა საკუთარი თამაშის დონე
![გოგას ორმაგი დუბლი და დეჟანტე მარის ბაზერ ბითერი - "ატლანტამ" "ორლანდოს" ბოლო წამებზე მოუგო [VIDEO]](/pictures/image7/787d7db178e4c64ed75b7fccefadd5f4.jpg "გოგას ორმაგი დუბლი და დეჟანტე მარის ბაზერ ბითერი - \"ატლანტამ\" \"ორლანდოს\" ბოლო წამებზე მოუგო [VIDEO]")
![ბითაძის 29 წუთი და "ორლანდოს" გამარჯვება "ნიუ იორკ ნიქსთან" [VIDEO]](/pictures/image7/b9ed611581d6d705b082b00d3497c588.jpg "ბითაძის 29 წუთი და \"ორლანდოს\" გამარჯვება \"ნიუ იორკ ნიქსთან\" [VIDEO]")
![ბითაძის 16 წუთი - "ორლანდო" "მინესოტასთან" დამარცხდა [VIDEO]](/pictures/image7/9d5912e3a2aca34b363adbd1bf2ae72e.jpg "ბითაძის 16 წუთი - \"ორლანდო\" \"მინესოტასთან\" დამარცხდა [VIDEO]")
![ბითაძის ორმაგი დუბლი - "ორლანდომ" "ატლანტა" დაამარცხა [VIDEO]](/pictures/image7/8b94e1068cf6121efc03ffed2b876277.jpg "ბითაძის ორმაგი დუბლი - \"ორლანდომ\" \"ატლანტა\" დაამარცხა [VIDEO]")
