ნბა-მ გამოაქვეყნა 2020 წლის დრაფტის წინასწარი კანდიდატების 205-კაციანი სია, რომელთა შორისაც ქართველი კალათბურთელი, 20 წლის სანდრო მამუკელაშვილიცაა. სანამ ჩვენებურის შესახებ ინფორმაციას მოგაწვდით, დავაზუსტებთ, თუ რას ნიშნავს ნბა-ს დრაფტზე წინასწარი კანდიდატების სია.ეს გახლავთ ის კალათბურთელები, რომლებიც პერსპექტიულები არიან, ან უბრალოდ არ არიან ასეთები და უბრალოდ ნბა-ში მოხვედრის სურვილი აქვთ. წინასწარ კანდიდატად დარეგისტრირება ნებისმიერ კალათბურთელს შეუძლია და მასში არ შედიან ის მოთამაშეები, რომლებიც ამერიკის სტუდენტურ ლიგაში (NCAA) ბოლო სეზონს თამაშობენ, ანუ Senior-ების სტატუსს ატარებენ.
მამუკელაშვილის სტატუსია Junior-ი, რაც მესამე კურსის შესაბამისია.
ანუ სანდრო მე-3 წელია, სტუდენტურ ლიგაში თამაშობს და მას შესაძლებლობა აქვს, NCAA-ში კიდევ 1 სეზონი (2020-2021) გაატაროს. წინასწარ კანდიდატებს საშუალება ეძლევათ, დრაფტის გამართვამდე 10 დღით ადრე მოხსნან თავისი კანდიდატურა და ისინი კვლავ იმ გუნდში ითამაშებენ, სადაც მანამდე იყვნენ. თუკი ამას არ გააკეთებენ, დრაფტზე არც ერთმა გუნდმა რომ არ აირჩიოს, სტუდენტურ ლიგაში თამაში აღარ შეეძლებათ. აქვე დავაზუსტებთ, რომ ყველა ის კალათბურთელი, რომელიც NCAA-ში ბოლო სეზონს ატარებს, დრაფტის სიაში თავისთავადაა, ოღონდ ზემოთაღნიშნულ 205-კაციან წინასწარ კანდიდატთა შორის არ ფიგურირებს.
ცნობისთვის, გოგა ბითაძე, რომელიც დრაფტზე 2019 წელს აირჩიეს, 2018 წლის დრაფტის წინასწარ კანდიდატებს შორისაც იყო, თუმცა დათქმულ დრომდე საკუთარი განაცხადი გააუქმა. წლევანდელი დრაფტი 25 ივნისს, ბრუკლინის “ბარკლაი სენთერში” გაიმართება და შესაბამისად, წარმოდგენილ 205 კანდიდატს სიიდან საკუთარი სახელის ამოწერა 15 ივნისამდე შეუძლია.
წინასწარ კანდიდატთა შორის 163 ამერიკის საუნივერსიტეტო გუნდების წევრია, დანარჩენი 42 კი მსოფლიოს სხვადასხვა ქვეყნის კლუბებში თამაშობს (სრული სია). ეგრეთ წოდებული საერთაშორისო მოთამაშეებიდან გამოსარჩევია თელ-ავივის “მაკაბის” წევრი დენი ავდია და სერბული “მეგა ბიმაქსის” (გოგა ბითაძის ყოფილი გუნდი) მოთამაშე მარკო სიმონოვიჩი.
სანდრო მამუკელაშვილი სტუდენტური ლიგის ერთ-ერთი საუკეთესო კონფერენციის – Big East-ის მოწინავე გუნდ “სეტონ ჰოლის” წევრია. სეტონჰოლელებმა კონფერენციაში, “ვილანოვას” და “კრეიტონის” მსგავსად, 13 მოგების წილ 5 მატჩი წააგეს და ამ გუნდებთან ერთად 1-3 ადგილები გაინაწილეს. ახალი კორონავირუსის პანდემიის გამო Big East-ის კონფერენციის პლეი-ოფი ვეღარ დაიწყო და იმ მომენტისთვის სტუდენტური ლიგის 32 კონფერენციის 447 გუნდს შორის ოფიციალური რეიტინგით “სეტონ ჰოლი” მე-19 ადგილზე იყო. მანამდე 2 კვირით ადრე კი მამუკელაშვილის გუნდი საუკეთესო 10-ეულში შედიოდა.
წინასწარ კანდიდატთა შორის 163 ამერიკის საუნივერსიტეტო გუნდების წევრია, დანარჩენი 42 კი მსოფლიოს სხვადასხვა ქვეყნის კლუბებში თამაშობს (სრული სია). ეგრეთ წოდებული საერთაშორისო მოთამაშეებიდან გამოსარჩევია თელ-ავივის “მაკაბის” წევრი დენი ავდია და სერბული “მეგა ბიმაქსის” (გოგა ბითაძის ყოფილი გუნდი) მოთამაშე მარკო სიმონოვიჩი.
სანდრო მამუკელაშვილი სტუდენტური ლიგის ერთ-ერთი საუკეთესო კონფერენციის – Big East-ის მოწინავე გუნდ “სეტონ ჰოლის” წევრია. სეტონჰოლელებმა კონფერენციაში, “ვილანოვას” და “კრეიტონის” მსგავსად, 13 მოგების წილ 5 მატჩი წააგეს და ამ გუნდებთან ერთად 1-3 ადგილები გაინაწილეს. ახალი კორონავირუსის პანდემიის გამო Big East-ის კონფერენციის პლეი-ოფი ვეღარ დაიწყო და იმ მომენტისთვის სტუდენტური ლიგის 32 კონფერენციის 447 გუნდს შორის ოფიციალური რეიტინგით “სეტონ ჰოლი” მე-19 ადგილზე იყო. მანამდე 2 კვირით ადრე კი მამუკელაშვილის გუნდი საუკეთესო 10-ეულში შედიოდა.
მამუკელაშვილი თავისი გუნდის ერთ-ერთი ლიდერი გახლდათ. 2019-20 წლების სეზონში სანდრო 20 მატჩში საშუალოდ 11.9 ქულას, 5.95 მოხსნას, 1.35 პასს და 0.6 დაფარებას აგროვებდა. მამუკელაშვილმა 18 მატჩი სასტარტო ხუთეულში დაიწყო, მოედანზე საშუალოდ 26.2 წუთს ატარებდა და ორქულიანებს 54%-იანი, ხოლო სამიანებს – 43.4%-იანი სიზუსტით ესროდა. მამუკელაშვილი ამერიკაში დაბადებულია და ამ ქვეყანასთან ერთად ფლობს საქართველოს მოქალაქეობასაც. მამუკელაშვილს საქართველოს ეროვნულ ნაკრებში 2019 წლის მსოფლიოს ჩემპიონატის შესარჩევი ტურნირის მატჩებში – სერბეთთან და ავსტრიასთან უთამაშია, ხოლო ჩეხეთის ნაკრებს ამხანაგურ შეხვედრებში ორჯერ დაუპირისპირდა.
მაშ ასე, სანდრო მამუკელაშვილი 2020 წლის ნბა-ს დრაფტის წინასწარი კანდიდატების სიაშია და თუკი 15 ივნისამდე უარს ოფიციალურად არ დააფიქსირებს, 25 ივნისს, ბრუკლინის “ბარკლაი სენთერში” დაგეგმილ ცერემონიალზე ნბა-ს რომელიმე გუნდში მოხვედრის შანსი ექნება.
მომზადებულია GBF.GE-ს მიხედვით
კიდევ ერთი ქართველი NBA-ში? - მამუკელაშვილი "სან ანტონიოს" დაუკავშირეს
![კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]](/pictures/image7/bfe576173dcdc0bfcd0064b131bfaef5.png "კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]")
![სანდროს მაგარი მატჩი და "სპურსის" 23 ქულიანი ქამბექი მოქმედ ჩემპიონთან [VIDEO]](/pictures/image7/da43861f424d6cf3bb738940328f8247.png "სანდროს მაგარი მატჩი და \"სპურსის\" 23 ქულიანი ქამბექი მოქმედ ჩემპიონთან [VIDEO]")
![მამუკელაშვილის ორმაგი დუბლი და პირადი რეკორდი - "სპურსმა" "მემფისი" დაამარცხა [VIDEO]](/pictures/image7/1b55791eee03af9928f778bffc3a50a7.png "მამუკელაშვილის ორმაგი დუბლი და პირადი რეკორდი - \"სპურსმა\" \"მემფისი\" დაამარცხა [VIDEO]")
![მამუკელაშვილმა სასტარტოში 25 წუთი ითამაშა და "სან ანტონიოს" გამარჯვებაში დაეხმარა [VIDEO]](/pictures/image7/61cc0309607cc67370e61069659b5683.png "მამუკელაშვილმა სასტარტოში 25 წუთი ითამაშა და \"სან ანტონიოს\" გამარჯვებაში დაეხმარა [VIDEO]")
![მამუკელაშვილს "დენვერთან" მატჩში ორმაგ დუბლამდე 1 მოხსნა დააკლდა [VIDEO]](/pictures/image7/22a6bcf0c1f837a87e84c835c91a0945.jpeg "მამუკელაშვილს \"დენვერთან\" მატჩში ორმაგ დუბლამდე 1 მოხსნა დააკლდა [VIDEO]")
