ლიგა ენდესის ფინალური ეტაპის A ჯგუფის მესამე ტურში თორნიკე შენგელიას "ბასკონია" "ბარსელონასთან" 75:81 დამარცხდა.
თითქმის მთელი მატჩის განმავლობაში თანაბარი თამაში მიმდინარეობდა, მაგრამ "ბარსამ" ბოლო მეოთხედი უკეთ ჩაატარა და გაიმარჯვა.
შენგელია, რომელიც მცირე ტრავმით თამაშობდა, 31:43 წუთში 12 ქულა (10-დან 5 ორქულიანი, 4-დან 0 სამქულიანი, 4-დან 2 საჯარიმო), 6 მოხსნა და 1 პასი მიითვალა, მისი მარგი ქმედების კოეფიციენტი კი 5 იყო.
"ბასკონიას", ისევე, როგორც "უნიკახას", რომელსაც მომავალ ტურში, 23 ივნისს შეხვდება, 2 ქულა აქვს და მასთან ერთად ჯგუფში მეორე-მესამე ადგილებს იყოფს. დიდი
ალბათობით, სწორედ ეს მატჩი გადაწყვეტს, რომელი გუნდი დაიკავებს მეორე ადგილს და პლეი-ოფში გავა.
ქართველების დიდებული მატჩი - შენგელიას 21 ქულა, შერმადინის ორმაგი დუბლი [VIDEO]
![შენგელიას შედეგიანი მატჩი და "ვირტუსის" მარცხი "ბაიერნთან" [VIDEO]](/pictures/image7/a8fa5e7304e13f638a40980a22fddc2b.jpg "შენგელიას შედეგიანი მატჩი და \"ვირტუსის\" მარცხი \"ბაიერნთან\" [VIDEO]")
