ამერიკის სტუდენტურ ლიგაში წარმატებით დგამს პირველ ნაბიჯებს ალექსანდრე მერკვილაძე. ქუთაისელი კალათბურთელი მხოლოდ 18 წლისაა და ის უკვე NCAA-ს გუნდის ღირსეული წევრია, სათამაშო დროც საკმარისად აქვს.მერკვილაძე "კალ სტეიტ ნორტრიჯ მატადორსის" ღირსებას იცავს, მისი გუნდი კი Big West-ის კონფერენციაში ასპარეზობს, სადაც ამ ეტაპისთვის 3 მოგება და 5 მარცხი აქვს და მე-8 ადგილზე იმყოფება. მორიგ მატჩში ნორტრიჯელებმა კალიფორნიულ "დევის ეიჯისთან" 63:75 წააგეს, ქართველმა ფორვარდმა კი 16 ქულა მიითვალა. მან ამაზე შედეგიანად მხოლოდ სეზონის გახსნით შეხვედრაში ითამაშა, როდესაც "ვესტმონტ უორიორსს" 20 ქულა ჩაუგდო.
მიმდინარე სეზონში მერკვილაძის საშუალო მაჩვენებლები ასე გამოიყურება: 26.3 წუთი, 8.5 ქულა, 5.8 მოხსნა, 1.3 პასი. "ნორტრიჯი" მომდევნო მატჩს 20 თებერვალს, "ჰავაი რეინბოუ უორიორსთან" ჩაატარებს.
GBF.GE
ეროვნული რადარი – ქართველი კალათბურთელების ოკეანგაღმური ამბები
![[ვაჟა სიმონიშვილი ვიტორიიდან] ბასკურ-ქართული შეძახილი: "კარგია, კარგია!" [PHOTO]](/pictures/image7/505774b706cb2ba72a69471b92b4a8fa.jpg "[ვაჟა სიმონიშვილი ვიტორიიდან] ბასკურ-ქართული შეძახილი: \"კარგია, კარგია!\" [PHOTO]")
