შენგელიამ "უნიკსს" 15 ქულა ჩაუგდო - ჯეიმსი მწვრთნელს ეჩხუბა

AutoSharing Option
VTB ლიგის 21-ე ტურში თორნიკე შენგელიას ცსკა-მ მოსკოვში 102:86 დაამარცხა ყაზანის "უნიკსი".

შენგელიამ 25:26 წუთში 15 ქულა (8-დან 4 ორქულიანი, 1-დან 0 სამქულიანი, 8-დან 7 საჯარიმო), 2 მოხსნა, 2 პასი და 1 ჩაჭრა მიითვლა, 4-ჯერ დაკარგა ბურთი, მისი მარგი ქმედების კოეფიციენტი კი 13 იყო.

ცსკა-ს სკანდალური ამერიკელი ლეგიონერი მაიკ ჯეიმსი მესამე წუთზე წუთშესვენებისას მწვრთნელ დიმიტრის იტუდისს შეეკამათა, დარბაზი დატოვა და უკან აღარ დაბრუნებულა. მოსკოვური კლუბის პრესსამსახურმა განაცხადა, რომ ჯეიმსს კუჭის პრობლემა და ტემპერატურა ჰქონდა.

Sportall.Ge

ცსკა-მ 20 ჩატარებული მატჩიდან 15 მოიგო, მათ
შორის 5 ზედიზედ, მეორე ადგილზეა და 5 აპრილს სტუმრად ლიდერ "ზენიტს" დაუპირისპირდება.

ცსკა ტრავმირებული ნიკოლა მილუტინოვის ნაცვლად "ბაიერნის" ცენტრის ჯალენ რეინოლდსის შეძენას ცდილობს და მზადაა მასში ორჯერ უფრო მეტი გადაიხადოს, ვიდრე "რეალმა" - 1.3 მილიონი ევრო.

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული