საქართველოს ეროვნული ნაკრების წევრმა ბექა ბურჯანაძემ, რომელიც ესპანეთის უმაღლესი ლიგის გუნდ “ბეტისში” თამაშობს, სეზონის საუკეთესო შეხვედრა ჩაატარა. მისი გუნდი ვალენსიაში ესპანური ლიგის ერთ-ერთ ფავორიტს ეთამაშებოდა, თუმცა ბურჯანაძის ქებული გარჯისა და გუნდური შეუპოვრობით, “ბეტისმა” 84:81 გაიმარჯვა. ბექამ მატჩი სასტარტო ხუთეულში დაიწყო და მოედანზე გატარებულ 26 წუთში 18 ქულა, 3 მოხსნა და 2 ჩაჭრა მოაგროვა. მის ანგარიშზე 7-დან 6 სამქულიანია. მარკო ტოდოროვიჩმა მატჩი 17 ქულით დაასრულა.
ეს გახლდათ სევილიელთა მეორე გამარჯვება მიმდინარე სეზონში (სულ 8 ტურია ჩატარებული). „ბეტისი“ მომდევნო მატჩს ესპანეთის ჩემპიონატში
7 ნოემბერს „სარაგოსას“ წინააღმდეგ სტუმრად გამართავს.
GBF.GE
![alt](/pictures/image50/ef7ac0b4afe868bbb07e7e1808598f58.jpg "ბურჯანაძის 6 სამქულიანი და მისი "ბეტისის" გამარჯვება ვალენსიაში")
ბექა ბურჯანაძის 13 ქულა "ობრადორიოსთან"
