საქართველოს კალთბურთელთა ნაკრების კაპიტნის, თორნიკე შენგელიას მიერ ცსკ-სთან კონტრაქტის გაწყვეტის შესახებ გავრცელებული ინფორმაცია მისმა აგენტმა ნიკოს ვარლასმა უარყო.
"თოკო შენგელიას არც ერთ მედიასაშუალებასთან განცხადება არ გაუკეთებია. ახლა ის თავისი ოჯახის სიმშვიდეზე ზრუნავს. როდესაც თოკოს მომავალზე მიღებულ იქნება გადაწყვეტილება, ის პირველ რიგში ცსკა-ს დაელაპარაკება", - წერს ვარლასი "ტვიტერზე".
BasketNews-ი იტყობინება, რომ შენგელიამ რუსეთი ოჯახური მდგომარეობის გამო დატოვა, თუმცა ჯერ მოსკოვურ კლუბთან მისი ხელშეკრულება გაუქმებული არ არის.
"ეს უკრაინაში რუსული აგრესიის მიმართ ჩემი პროტესტია. ამ ვითარებაში არ შემიძლია ვითამაშო ამ გუნდში", -
ციტირებს თორნიკეს "მარკა".
შენგელიას ცსკა-სთან კონტრაქტი 2023 წლამდე აქვს გაფორმებული და მის გასაუქმებლად იურიდიული პროცედურები დასჭირდება ან კლუბისთვის კომპენსაცის გადახდა შეიძლება მოუწიოს.
შეგახსენებთ, შენგელიამ რუსს ოკუპანტებთან მეომარ უკრაინას მხარდაჭერა გამოუცხადა და "ფეისბუქზე" პოსტი გამოაქვეყნა: "ვლოცულობ უკრაინისთვის, დარჩით ძლიერები".
ასეა თუ ისე, თორნიკეს მიერ ცსკა-სთან თანამშრომლობის ოფიციალურად გაწყვეტა მხოლოდ დროის საკითხია.
![alt](/pictures/image50/f2b90038f1c38e476e292b4d2b0ec5ee.jpg ""თორნიკე შენგელიას კონტრაქტი ჯერ არ გაუწყვიტავს" - ირწმუნება აგენტი")
უკვე ოფიციალურად: თორნიკე შენგელიამ ცსკა-სთან კონტრაქტი გაწყვიტა
![შენგელია ბოლონიელთაგან საუკეთესო იყო - "ვირტუსმა" ოვერტაიმში წააგო [VIDEO]](/pictures/image7/e5869ed7d689d5f1e45a497325b923a7.jpg "შენგელია ბოლონიელთაგან საუკეთესო იყო - \"ვირტუსმა\" ოვერტაიმში წააგო [VIDEO]")
![შენგელია შეუჩერებელია - თოკომ "ვირტუსი" იტალიის თასის ფინალში გაიყვანა [VIDEO]](/pictures/image7/1d0f56e720e147d5299277156ffec4ff.jpg "შენგელია შეუჩერებელია - თოკომ \"ვირტუსი\" იტალიის თასის ფინალში გაიყვანა [VIDEO]")
