თორნიკე შენგელია "ვირტუსში" სადებიუტო მატჩში თავის გუნდში ყველაზე შედეგიანი იყო.
ევროთასზე B ჯგუფის მე-15 ტურში "ვირტუსი" საკუთარ მოედანზე 74:86 დამარცხდა ლიუბლიანის "ცედევიტა ოლიმპიასთან".
შენგელიამ 21:22 წუთში 14 ქულა (9-დან 4 ორქულიანი, 3-დან 2 სამქულიანი, 1-დან 0 საჯარიმო), 7 მოხსნა, 3 პასი და 2 დაფარება მიითვალა, მისმა სარგებლიანობის კოეფიციენტმა კი 18 შეადგინა.
შეგახსენებთ, თორნიკემ ცსკა-სთან კონტრაქტი გაწყვიტა და 30 ივნისამდე "ვირტუსში" ითამაშებს.
ბოლონიური გუნდი 8 მოგებით მე-5 ადგილზეა და 23 მარტს საბერძნეთში აუტსაიდერ "პრომითეასს" დაუპირისპირდება.
![alt](/pictures/image50/26cd733e87142fa1e278f7bcace08701.jpg "შენგელია "ვირტუსში" პირველ მატჩში თავის გუნდში საუკეთესო იყო")
შენგელია "ვირტუსის" ოფიციალურ პრეზენტაციაზე: სანიკიძემ ჩემს გადაწყვეტილებაში საკუთარი წვლილი შეიტანა
