"იანისი ჩემი მენტორია" - უცხოური გამოცემა სანდრო მამუკელაშვილზე წერს

"მილუოკი ბაქსის" ქართველ კალათბურთელს, სანდრო მამუკელაშვილს, უცხოური გამოცემა app.com-ი ვრცელ სტატიას უძღვნის.

"სანდრო მამუკელაშვილს არასდროს ავიწყდება, თუ საიდან მოდის, ეს გასულ ზაფხულს ევროპის ჩემპიონატზეც დაამტკიცა და "სეტონ ჰოლში" თამაშის პერიოდშიც.

"მილუოკის" შემადგენლობაში საზაფხულო ლიგაზე იასპარეზა, სადაც საშუალოდ 17.0 ქულას, 8.8 მოხსნას, 2.4 შედეგიან პასს, 1.4 ჩაჭრასა და 1.0 დაფარებას აგროვებდა.

"როდესაც საზაფხულო ლიგის დრო დადგა, ვიცოდი, თუ რამდენად მნიშვნელოვანი მომენტი იყო ჩემთვის, გარანტირებული არაფერი მქონდა, ასეთ დროს თავდაჯერებული უნდა იყო და დაამტკიცო, რომ აქ ყოფნას იმსახურებ" - განაცხადა სანდრომ.

შემდეგ საქართველოს ნაკრებს ევრობასკეტზე გაუძღვა და ბრწყინვალედ იასპარეზა, საშუალოდ 15.2 ქულას, 11 მოხსნასა და 2.4 შედეგიან გადაცემას აგროვებდა, ჯგუფური ეტაპის ხუთივე თამაში მის სამშობლოში გაიმართა, რასაც წინ მღელვარება ახლდა.

"გარშემო მთელი ოჯახი მყავდა, ყველა ჩემი მეგობარი. არასდროს განმიცდია, თუ როგორი გრძნობაა, როდესაც 10 000 ადამიანი შენს თამაშს ელოდება. მოედანზე წარმოუდგენელი მხარდაჭერა ვიგრძენი.

იანისი ჩემი მენტორია, ძალიან თავმდაბალი ადამიანია. ყოველთვის ვცდილობ მოვუსმინო და საუკეთესოებისგან ვისწავლო. ვუყურებ, როგორ ვარჯიშობს და ეს ძალიან მეხმარება. მის წინააღმდეგ თამაშისას ხვდები, როგორი უსუსური ხარ, თუმცა ეს უკეთესს მხდის" - აღნიშნა სანდრო მამუკელაშვილმა.

შეგახსენებთ, NBA-ს 2022-2023 წლების სეზონის პირველ შეხვედრაში "მილუოკი ბაქსი" 21 ოქტომბერს, "ფილადელფიას" წინააღმდეგ გამართავს.

სანდრო მამუკელაშვილის მორიგი აღიარება