იტალიის ჩემპიონატში პირველი მარცხი განიცადა თორნიკე შენგელიას "ვირტუსმა". ბოლონიელები სტუმრად, ქალაქ კრემონეში, “ვანოლის” შეხვდნენ და 10 ქულის სხვაობით – 83:93 დამარცხდნენ.
"ვირტუსმა" თამაში კარგად დაიწყო, მაგრამ მეორე და მესამე პერიოდები ჩააგდო (14:25, 15:25), მსგავსი ჩამორჩენის აღმოფხვრა კი ბოლო პერიოდში ვეღარ მოახერხა.
თორნიკე შენგელია ამჯერად მატჩის საუკეთესო მოთამაშე არ იყო, მაგრამ თანაგუნდელთა შორის მაინც ყველაზე გამორჩეული გახლდათ. საქართველოს ნაკრების კაპიტანმა 25 წუთში 14 ქულა, 1 მოხსნა, 2 პასი და 3 ჩაჭრა მიითვალა. თორნიკემ 6-დან 5 ორქულიანი და 5-დან 4 საჯარიმო ჩააგდო, 1 სამქულიანი კი ააცილა.
"ვირტუს ბოლონია" სერია A-ს 5 მოგებით და 1 წაგებით "ტრენტოსთან", "ვენეციასა" და "ბრეშასთან" ერთად ლიდერობს, ხოლო მომდევნო ტურში, 11 ნოემბერს, "ტრევიზოს" უმასპინძლებს.
GBF
10:00 06-11-2023
შენგელიას მორიგი კარგი მატჩი და "ვირტუსის" პირველი მარცხი იტალიის ჩემპიონატში [VIDEO]
AutoSharing Option
მკითხველის კომენტარები / 1 /
მოწონებების მიხედვით
თარიღის მიხედვით
გამორჩეული მწვრთნელია შენგელიას დამრიგებელი ლუკა ბანკი. თუ ლატვიასთან კონტრაქტი არ გაუხანგძლივებია, დროა საქართველოს ნაკრების მწვრთნელად დავნიშნოთ. თუ საჭირო გახდა თოკო ჩავრთოთ საქმეში. დარწმუნებული ვარ მაქსიმალურად გამოიყენებს ჩვენი კალათბურთელების ინდივიდუალურ თვისებებს და მოთამაშეებს გუნდურ თამაშს ასწავლის, პარკეტზე უბურთოდ გადაადგილებას, ასწევს მოთამაშეთა ტაქტიკურ დონეს და ა.შ. მის ხელში დარწმუნებული ვარ საპრიზოზე გავიწევთ და რაც მთავარია, თანამედროვე კალათბურთს ავითვისებთ.
3
0
ყველა კომენტარი
გააკეთეთ კომენტარი
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
უძრავი ქონება
107.00 k
150.00 k
სიახლეები
პოპულარული
