ბექა ბურჯანაძის "ლეიმა კორუნა" ესპანეთის უმაღლესი ლიგის ზღვარზეა. 1 მატჩიც და წარმატების შემთხვევაში საქართველოს ეროვნული ნაკრების წევრის კლუბი ლიგა ენდესაში აღზევდება. გუნდი, რომლის ერთ-ერთი ლიდერი ქართველი ფორვარდია, ესპანეთის რანგით მეორე ლიგას – LEB Oro-ს ლიდერობს და დარჩენილ 1 ტურში პირველი ადგილის შენარჩუნება მართებს, უმაღლესი ლიგის საგზური პირდაპირი გზით რომ მოიპოვოს.ბოლოსწინა ტურში "ლეიმა კორუნამ" "კასტელოს" უმასპინძლა და 95:82 რომ დაამარცხა, მნიშვნელოვანწილად ბურჯანაძის დამსახურებაა. ქართველი ფორვარდი ორივე გუნდის შემადგენლობაში საუკეთესო იყო. ბექა შეხვედრაში სათადარიგოთა სკამიდან ჩაერთო და 20 წუთში 14 ქულა,
ბოლო ტურში, 10 მაისს, "ლეიმა კორუნა" სტუმრად მე-15 ადგილზე მყოფ "მელილას" ეთამაშება და გამარჯვების შემთხვევაში სეზონს პირველ ადგილზე დაასრულებს, რითაც უმაღლესის საგზურს მოიპოვებს. ისე კი, თუკი მდევარმა "ბურგოსმა" წააგო, ბურჯანაძის გუნდი წაგების შემთხვევაშიც პირველ ადგილზე გავა. ორივე გუნდი თამაშს ერთდროულად, თბილისი დროით 10 მაისის ღამის 12:00 საათზე დაიწყებს.
GBF.GE
ბურჯანაძის დახმარებით "კორუნამ" უშუალო კონკურენტი დაამარცხა და პირველობა გაიმყარა
