უესტბრუკმა და კამპანიამ ფაჩულიას "გოლდენ სტეიტი" დამაჯერებლად დაამარცხეს [VIDEO]

23 ნოემბერს გამთენიისას ზაზა ფაჩულიას "გოლდენ სტეიტი" "ოკლაჰომა თანდერს" ესტუმრა და ანგარიშით 91:108 დამარცხდა.

ზაზა ფაჩულია ტრადიციულად სასტარტო ხუთეულში იყო და საერთო ჯამში მოედანზე 12 წუთი გაატარა. ამ ხნის განმავლობაში ფაჩულიამ 2 ქულა, 3 მოხსნა და 1 ჩაჭრა მოაგროვა. ზაზამ ერთი ორქულიანი ისროლა და ააცილა, ხოლო ორივე ჯარიმა ჩააგდო.

ოკლენდელთა ლიდერებს თამაში აშკარად არ წაუვიდათ. 10-ქულიან ზღვარს მხოლოდ სტეფ კარი (24), კევინ დურანტი (21) და ომრი კასპი (11) გადასცდნენ.

სამაგიეროდ მოწოდების სიმაღლეზე იყო "თანდერი". რასელ უესტბრუკს სამმაგ დუბლამდე ერთი პასი დააკლდა. ოკლაჰომელთა ლიდერმა 34 ქულა, 9 პასი, 10 მოხსნა და 4 ჩაჭრა მოაგროვა.

კარმელო ენტონიმ 22 ქულა ჩააგდო, პოლ ჯორმა 20 ქულა და 11 მოხსნა მიითვალა, ადამსმა კი 14 ქულა და 12 მოხსნა, აქედან 6 მოხსნა თავდასხმაში.

ამ მატჩის შემდეგ "გოლდენ სტეიტს" 13 მოგება-5 მარცხი დაუგროვდა და დასავლეთ კონფერეცნიაში მე-2 ადგილზეა.

მომდევნო მატჩს ზაზა ფაჩულიას გუნდი 25 ნოემბერს შინ "ჩიკაგო ბულსთან" ჩვენი დროით 07:30 საათზე გამართავს.

დღის სხვა მატჩები ასე დასრულდა:

საკრამენტო-ლეიკერსი 113:102
ფინიქსი-მილუოკი 107 : 113
იუტა-ჩიკაგო 110:80
ჰიუსტონი-დენვერი 125:95
მემფისი-დალასი 94:95
მინესოტა-ორლანდო 124 : 118
ნიუ ორლეანი-სან ანტონიო 107:90
ატლანტა-კლიპერსი 103:116
მაიამი-ბოსტონი 104 : 98
ნიუ იორკი-ტორონტო 108:100
შარლოტი-ვაშინგტონი 129:124
კლივლენდი-ბრუკლინი 119:109
ფილადელფია-პორტლენდი 101:81