გუშინ, 21 მარტს, "მაიამი ჰიტმა" "ინდიანა პეისერსს" უმასპინძლა. შეხვედრა სტუმართა გამარჯვებით, 109:106 დასრულდა.
"პეისერსის" რიგებიდან გოგა ბითაძემ მოედანზე 9:20 წუთი დაჰყო, რა დროშიც 2 ქულა, 3 მოხსნა და 2 დაფარება დააგროვა.
საუკეთესო კი მაილის ტერნერი გახლდათ, რომელმაც 16 ქულა, 6 მოხსნა, 1 შედეგიანი გადაცემა და 5 დაფარება მიითვალა.
თავის მხრივ, "მაიამის" რიგებიდან შესანიშნავად ითამაშა ბემ ადებაიომ, რომელმაც თავი 29 ქულით, 10 მოხსნით, 2 შედეგიანი გადაცემით, ამდენივე ჩაჭრითა და 3 დაფარებით გამოიჩინა.
სოლიდური შეხვედრის მიუხედავად, ჯიმი ბატლერმა ბოლო წუთები ჩააგდო და შეხვედრა პირადად წააგო. ბატლერმა გუნდს 21 ქულა, 15 მოხსნა და 7 შედეგიანი გადაცემა შესძინა.
"ინდიანა" 19 გამარჯვებითა და 22 მარცხით აღმოსავლეთ კონფერენციაში მე-9 ადგილზე იმყოფება. თავის მხრივ, "მაიამი" 22 მოგებითა და 21 მარცხით ამავე კონფერენციაში მე-5 ადგილს იკავებს.
"პეისერსი" მომდევნო შეხვედრას 23 მარტს, "მილუოკი ბაქსის" წინააღმდეგ გამართავს. "ჰიტი" 24 მარტს "ფინიქს სანსს" დაუპირისპირდება.
"დროა გოგამ მოედანზე გაცილებით დიდი დრო გაატაროს..." - გოგას კარგ თამაშს უცხოური მედია გამოეხმაურა
