ნაციონალურ საკალათბურთო ასოციაციაში ქართველების გუნდებმა მორიგი შეხვედრები გამართეს.
"ინდიანა პეისერსი" "პორტლენდ ტრეილბლეიზერსს" ესტუმრა, მატჩი მასპინძელთა გამარჯვებით 110:106 დასრულდა.
გოგამ მოედანზე 4 წუთი გაატარა, რა დროშიც თავი 4 ქულითა და 1 მოხსნით გამოიჩინა.
ჩვენებურის ასეთი ლიმიტირებული დრო მაილის ტერნერის კარგი თამაშის დამსახურებაა... ამერიკელმა ცენტრმა 16 ქულა, 6 მოხსნა, 2 შედეგიანი გადაცემა და 1 დაფარება დააგროვა.
მასპინძელთა რიგებიდან საუკეთესო სიჯეი მაკალუმი გახლდათ, რომელმაც გუნდს 27 ქულა, 5 მოხსნა და 6 შედეგიანი გადაცემა შესძინა.
ამრიგად, "პეისერსს" 3 მოგება და 7 მარცხი აქვს, მომდევნო
შეხვედრას კი 8 ნოემბერს, "საკრამენტო კინგსის" წინააღმდეგ გამართავს.
"პორტლენდს" მოგება წაგების ბალანსი 4/5-თან აქვს, მომდევნო მატჩს 7 ნოემბერს, "ლოს ანჯელეს ლეიკერსის" წინააღმდეგ ჩაატარებს.
"მილუოკი ბაქსმა" "ნიუ იორკ ნიქსს" უმასპინძლა, შეხვედრა სტუმართა გამარჯვებით 113:98 დასრულდა.
მოგეხსენებათ, "ირმების" შემადგენლობიდან სანდრო სათამაშოდ G ლიგაში გაუშვეს, თუმცა მთავარ გუნდში ლიმიტირებული დრო მაინც ეძლეოდა, დღეს ქართველი მოედანზე არ გამოჩენილა.
მოქმედი ჩემპიონების რიგებიდან საუკეთესო იანის ანტეტოკუმპო გახლდათ, რომელმაც თავი 25 ქულით, 7 მოხსნით, 4 შედეგიანი გადაცემითა და 2 ჩაჭრით გამოიჩინა.
სტუმართა მხრიდან ჯულიუს რენდლი გამოირჩა, რომელმაც გუნდს 32 ქულა, 12 მოხსნა, 4 შედეგიანი გადაცემა და 2 დაფარება შესძინა.
მშვენივრად იასპარეზა დერიკ როუზმაც, რომელმაც 23 ქულა, 8 მოხსნა, 4 შედეგიანი გადაცემა და 2 ჩაჭრა მიითვალა.
ამრიგად, სეზონის სტარტზე "ბაქსს" 4 მოგება და 5 მარცხი აქვს, მომდევნო შეხვედრას 8 ნოემბერს, "ვაშინგტონ ვიზარდსის" წინააღდეგ გამართავს.
შედარებით უკეთესი სატურნირო მდგომარეობა აქვს "ნიქსს", ნიუ იორკელებს 9 თამაშის შემდეგ 6 მოგება დაუგროვდათ, მომდევნო მატჩს კი იმავე 8 ნოემბერს "კლივლენდ კავალიერსის" წინააღმდეგ გამართავენ.
![ბითაძის მე-6 ორმაგი დუბლი სეზონში | "ორლანდოს" სუპერსერია გრძელდება [VIDEO]](/pictures/image7/878bf5abfbf9c118a90ddbf4ab11f644.jpg "ბითაძის მე-6 ორმაგი დუბლი სეზონში | \"ორლანდოს\" სუპერსერია გრძელდება [VIDEO]")
![გოგას 5 დაფარება და ბოლო 12-დან 11 გამარჯვება - "ორლანდო" მაგარ სვლაზეა [VIDEO]](/pictures/image7/2b1da1575bf942436e652fce6642ade7.png "გოგას 5 დაფარება და ბოლო 12-დან 11 გამარჯვება - \"ორლანდო\" მაგარ სვლაზეა [VIDEO]")
![გოგა ბითაძის ბრწყინვალე დაფარება ლიგის გამორჩეულ ათლეტთან - "ორლანდომ" ბოლო 11-დან 10 მოიგო [VIDEO]](/pictures/image7/a237665baf706490907c7ecc176dcc35.jpg "გოგა ბითაძის ბრწყინვალე დაფარება ლიგის გამორჩეულ ათლეტთან - \"ორლანდომ\" ბოლო 11-დან 10 მოიგო [VIDEO]")
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
