ნაციონალურ საკალათბურთო ასოციაციაში მორიგი შეხვედრები გაიმართა.
"ბრუკლინ ნეტსი" "დეტროიტ პისტონსს" ესტუმრა და 116:104 დაამარცხა.
სტუმართა რიგებიდან კევინ დურანტმა თავი 51 ქულით, 7 მოხსნით, 9 შედეგიანი გადაცემით, 1 ჩაჭრითა და 2 დაფარებით გამოიჩინა. აღსანიშნავია, რომ "ნეტსის" შემადგენლობაში ქულათა ეს რაოდენობა კევინისთვის სარეკორდოა.
პატი მილსმა 18 ქულა, 3 მოხსნა, 5 შედეგიანი გადაცემა და 1 ჩაჭრა დააგროვა.
"პისტონსის" მხრიდან ქედ კუნინგემმა გუნდს 26 ქულა, 8 მოხსნა, 6 შედეგიანი გადაცემა, 3 ჩაჭრა და 1 დაფარება შესძინა.
ამრიგად, "ბრუკლინი" 19 გამარჯვებითა და 8 მარცხით აღმოსავლეთ
კონფერენციის 1-ელ ადგილზე იმყოფება, მომდევნო შეხვედრას კი 15 დეკემბერს, "ტორონტო რეპტორსის" წინააღმდეგ გამართავს.
"დეტროიტი" 4 გამარჯვებითა და 22 წაგებით იმავე აღმოსავლეთში ბოლო, მე-15 ადგილს იკავებს. შემდეგ მატჩს ასევე 15 დეკემბერს, "ჩიკაგო ბულზის" პირისპირ ჩაატარებს.
"ლოს ანჯელეს ლეიკერსმა" "ორლანდო მეჯიქს" უმასპინძლა და 106:94 დაამარცხა.
კალიფორნიელთა რიგებიდან ლებრონ ჯეიმსმა გუნდს 30 ქულა, 11 მოხსნა, 10 შედეგიანი გადაცემა და 3 დაფარება შესძინა.
რასელ უესტბრუქმა აქტივში 19 ქულა, 7 მოხსნა, 5 შედეგიანი გადაცემა და 2 ჩაჭრა ჩაიწერა.
გამოსარჩევია ტალენ ჰურტონ ტაკერის თამაშიც, რომელმაც თავი 19 ქულით, 1 მოხსნით, 3 შედეგიანი გადაცემითა და 6 ჩაჭრით გამოიჩინა.
"ორლანდოს" მხრიდან კოულ ენტონიმ 21 ქულა, 6 მოხსნა და 5 შედეგიანი გადაცემა დააგროვა.
ამრიგად, "ლეიკერსი" 15 გამარჯვებითა და 13 მარცხით დასავლეთ კოფნერენციაში მე-6 ადგილს იკავებს, მომდევნო შეხვედრას კი 16 დეკემბერს, "დალას მავერიკსის" წინააღმდეგ გამართავს.
"ორლანდო" 5 მოგებითა და 23 წაგებით აღმოსავლეთში ბოლოსწინა, მე-14 პოზიციაზე იმყოფება. შემდეგ მატჩს იმავე 16 დეკემბერს, "ატლანტა ჰოუქსის" პირისპირ ჩაატარებს.
"ჰიუსტონმა" ლიგის უნიკალური რეკორდი დაამყარა [VIDEO]
