ნაციონალურ საკალათბურთო ასოციაციაში მორიგი შეხვედრები გაიმართა.
"ფილადელფიამ" "ნიუ იორკ ნიქსს" უმასპინძლა და 123:108 დაამარცხა.
საუკეთესო ჯეიმს ჰარდენი გახლდათ, რომელმაც თავი 26 ქულით, 9 მოხსნითა და ამდენივე შედეგიანი გადაცემით გამოიჩინა.
ჯოელ ემბიდმა გუნდს 27 ქულა, 12 მოხსნა, 4 შედეგიანი გადაცემა, 1 ჩაჭრა და 2 დაფარება შესძინა. აღსანიშნავია, რომ ჰარდენის მოსვლის შემდეგ "ფილას" 3-დან 3 მოგება აქვს. როგორც ჩანს, სუპერვარსკვლავური დუეტის შექმნამ გაამართლა.
რაც შეეხება "ნიქსს", არჯეი ბარეტმა აქტივში 30 ქულა, 6 მოხსნა
და 7 შედეგიანი გადაცემა ჩაიწერა.
ამრიგად, "ფილადელფია" 38 მოგებითა და 23 წაგებით აღმოსავლეთ კონფერენციაში მე-3 ადგილს იკავებს. მომდევნო შეხვედრას 5 მარტს, "კლივლენდ კავალიერსის" წინააღმდეგ ჩაატარებს.
"ნიუ იორკი" 25 გამარჯვებითა და 37 მარცხით იმავე აღმოსავლეთში მე-12 პოზიციაზე იმყოფება, შემდეგ მატჩს კი 5 მარტს, "ფინიქს სანსის" პირისპირ გამართავს.
"მილუოკი ბაქსმა" "მაიამი ჰიტს" უმასპინძლა და 120:119 დაამარცხა.
მასპინძელთა მხრიდან საუკეთესო მექულე იანის ანტეტოკუნმპო გახლდათ. ბერძენმა ვარსკვლავმა თავი 28 ქულით, 17 მოხსნით, 5 შედეგიანი გადაცემით, 2 ჩაჭრითა და 1 დაფარებით გამოიჩინა.
კრის მიდლტონმა 26 ქულა, 4 მოხსნა, 3 შედეგიანი გადაცემა და 1 ჩაჭრა მიითვალა.
ჯრუ ჰოლიდეიმ (მატჩის მომგები სროლა ჩააგდო) გუნდს 25 ქულა, 6 მოხსნა, 11 შედეგიანი გადაცემა და 2 ჩაჭრა შესძინა.
რაც შეეხება "მაიამის", ტაილერ ჰიროუმ აქტივში 30 ქულა, 7 მოხსნა, 5 შედეგიანი გადაცემა და 1 ჩაჭრა ჩაიწერა.
ბემ ადებაიომ 18 ქულა, 12 მოხსნა, 4 შედეგიანი გადაცემა და 2 ჩაჭრა დააგროვა.
ამრიგად, "ბაქსი" 38 მოგებითა და 25 წაგებით აღმოსავლეთ კონფერენციაში მე-4 ადგილს იკავებს. მომდევნო შეხვედრას 5 მარტს, "ჩიკაგო ბულზსის" წინააღმდეგ ჩაატარებს.
"ჰიტი" 41 გამარჯვებითა და 22 მარცხით იმავე აღმოსავლეთის სათავეშია, შემდეგ მატჩს კი 4 მარტს, "ბრუკლინ ნეტსის" პირისპირ გამართავს.
