ნაციონალურ საკალათბურთო ასოციაციაში მორიგი შეხვედრები გაიმართა.
"მილუოკი ბაქსი" "ფილადელფიას" ესტუმრა და 90:88 დაამარცხა.
"ირმების" შემადგენლობიდან სანდრო მამუკელაშვილი მოედანზე არ გამოჩენილა.
საუკეთესო იანის ანტეტოკუნმპო გახლდათ, რომელმაც თავი 21 ქულით, 13 მოხსნით, 8 შედეგიანი გადაცემით, 1 ჩაჭრითა და 3 დაფარებით გამოიჩინა.
ბერძენს მხარი ბრუკ ლოპესმა აუბა, რომელმაც 17 ქულა, 4 მოხსნა, 1 შედეგიანი გადაცემა და 2 დაფარება დააგროვა.
მასპინძლების მხრიდან ჯეიმს ჰარდენმა აქტივში 31 ქულა, 8 მოხსნა, 9 შედეგიანი გადაცემა, 2 ჩაჭრა და 1 დაფარება ჩაიწერა.
ჯოელ ემბიდმა და ტაირის მაქსიმ თანაბარი,
15-15 ქულა ჩააგდეს.
ამრიგად, "ბაქსმა" 1-ელი შეხვედრა მოიგო, შემდეგ მატჩს კი 23 ოქტომბერს "ჰიუსტონ როკეტსის" წინააღმდეგ ჩაატარებს.
"ფილადელფიამ" სეზონის საწყისი 2 შეხვედრა წააგო, იმავე 23 ოქტომბერს კი "სან ანტონიო სპურსს" შეხვდება.
კალიფორნიულ დუელში "კლიპერსმა" "ლეიკერსი" 103:97 დაამარცხა. აღსანიშნავია, რომ "კლიპერსისთვის" "ყვითლების" წინააღმდეგ ეს გამარჯვება ზედიზედ მერვეა.
ნომინალური მასპინძელი "ლეიკერსი" იყო, საუკეთესო მექულე კი - ლუნი უოლკერი, რომელმაც საკუთარ გუნდს 26 ქულა, 3 მოხსნა, ამდენივე შედეგიანი გადაცემა და 2 ჩაჭრა შესძინა.
ენტონი დევისმა 25 ქულა ჩააგდო, ლებრონ ჯეიმსმა კი - 20.
მატჩის ბედი რასელ უესტბრუქის საშინელმა თამაშმა გადაწყვიტა, რომელმაც მხოლოდ და მხოლოდ 2 ქულა (0/11 თამაშიდან) მიითვალა.
რაც შეეხება "კლიპერსს", გუნდურ კალათბურთში (6 კალათბურთელი გადასცდა 10-ქულიან ზღვარს), საუკეთესო პოლ ჯორჯისა და ჯონ უოლის 15 ქულიანი მაჩვენებელი იყო.
ივიცა ზუბაცმა თავი 14 ქულით, 17 მოხსნით, 1 შედეგიან გადაცემითა და 5 დაფარებით გამოიჩინა.
14 ქულა ჰქონდა კავაი ლეონარდსაც, რომელმაც აქტივში დამატებით 7 მოხსნა, 2 შედეგიანი გადაცემა და 1 ჩაჭრა ჩაიწერა.
ამრიგად, "ლეიკერსმა" სეზონის სტარტზე 2-დან 2-ივე შეხვედრა წააგო. შემდეგ მატჩს 23 ოქტომბერს "პორტლენდ ტრეილბლეიზერსის" წინააღმდეგ ჩაატარებს.
"კლიპერსმა" პირველივე მატჩი მოიგო, იმავე 23 ოქტომბერს კი "საკრამენტო კინგსს" შეხვდება.
![alt](/pictures/image50/504ce51253bd96748ea31a93852146e7.jpg ""მილუოკის" მძიმე გამარჯვება, "კლიპერსმა" "ლეიკერსი" ზედიზედ მერვედ დაამარცხა - NBA-ის მიმოხილვა [VIDEO]")
ლუკას ბრწყინვალე მატჩი და მარცხი - "ფინიქსმა" 22-ქულიანი ჩამორჩენა აღმოფხვრა და მოიგო [VIDEO]
![დევისის დომინანტური მატჩი - "ლეიკერსმა" "მინესოტა" დაამარცხა [VIDEO]](/pictures/image7/b71b87cfff62c1f0ecde0d1d17aed525.jpg "დევისის დომინანტური მატჩი - \"ლეიკერსმა\" \"მინესოტა\" დაამარცხა [VIDEO]")
!["ლოს ანჯელეს ლეიკერსი" NBA-ის შიდასასეზონო ტურნირის გამარჯვებულია [VIDEO]](/pictures/image7/6b3f4a56600f512c52eea18ed142482d.jpg "\"ლოს ანჯელეს ლეიკერსი\" NBA-ის შიდასასეზონო ტურნირის გამარჯვებულია [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ჯეიმსის ისტორიული მატჩი - "ლეიკერსმა" "იუტა" დაამარცხა [VIDEO]](/pictures/image7/1d12114aaa0f32aa247847e802b4d92e.jpg "ჯეიმსის ისტორიული მატჩი - \"ლეიკერსმა\" \"იუტა\" დაამარცხა [VIDEO]")
![ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - "კლიპერსმა" "ჰიუსტონი" დაამარცხა [VIDEO]](/pictures/image7/e2f35666ae0c6a00b7b548a16b66da83.jpg "ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - \"კლიპერსმა\" \"ჰიუსტონი\" დაამარცხა [VIDEO]")
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
