ნაციონალურ საკალათბურთო ასოციაციაში "მილუოკი ბაქსმა" "ატლანტა ჰოუქსს" უმასპინძლა და 106:121 დამარცხდა.
სანდრო მამუკელაშვილმა მოედანზე 01:35 წუთი გაატარა, რა დროშიც 2 ქულა და 1 ასისტი მიითვალა.
მასპინძელთა შემადგენლობიდან საუკეთესო იანის ანტეტოკუნმპო გახლდათ, რომელმაც თავი 27 ქულით, 8 მოხსნით, 4 შედეგიანი გადაცემითა და 1 ჩაჭრით გამოიჩინა.
"ჰოუქსის" მხრიდან ტრეი იანგმა 21 ქულა, 3 მოხსნა, 9 შედეგიანი და 1 ჩაჭრა დააგროვა. ზოგადად უნდა აღინიშნოს, რომ სტუმართა გუნდიდან 5-ივე დამწყებმა კალათბურთელმა 15 ქულაზე მეტი ჩააგდო.
ამრიგად, "ბაქსი" 10 გამარჯვებითა და 3 მარცხით აღმოსავლეთ კონფერენციაში მე-2 ადგილს იკავებს. მომდევნო შეხვედრას 17 ნოემბერს, "კლივლენდ კავალიერსის" წინააღმდეგ ჩაატარებს.
"ატლანტა" 9 მოგებითა და 5 წაგებით იმავე აღმოსავლეთში მე-3 პოზიციაზეა, 17 ნოემბერს კი "ბოსტონ სელტიკსს" დაუპირისპირდება.
![alt](/pictures/image50/716d2d9fb1db9e1487a8df957c315d0e.jpg "სანდროს 2 ქულა - "მილუოკი" "ატლანტასთან" დამარცხდა [VIDEO]")
პირველად NBA-ს ისტორიაში - "ფილადელფიას" ვარსკვლავმა "იუტასთან" მაგრად ითამაშა [VIDEO]![alt](/pictures/image50/f860052a963f4f0be8f4e3c2f14127ef.jpg "სანდროს 2 ქულა - "მილუოკი" "ატლანტასთან" დამარცხდა [VIDEO]")
"ლეიკერსმა" "ბრუკლინი" დაამარცხა - ენტონი დევისის სეზონის საუკეთესო მატჩი [VIDEO]
