ნაციონალურ საკალათბურთო ასოციაციაში პლეი-ინის გათამაშება დაიწყო. გუშინ, 12 აპრილს, ცნობილი გახდა, რომ "ლოს ანჯელეს ლეიკერსი" და "ატლანტა ჰოუქსი" პლეი-ოფში ოფიციალურად გავიდნენ, ხოლო "მაიამი ჰიტი" და "მინესოტა ტიმბერვულვზი" მეორე შანსს დასჯერდებიან.
დღეს, გამთენიისას, "ჩიკაგო ბულზსი" "ტორონტო რეპტორსს" ესტუმრა და 109:105 დაამარცხა, რის შემდეგაც აღმოსავლეთის საუკეთესო რვა გუნდში მოსახვედრად "ჰიტს" შეხვდება.
აღნიშნულ დაპირისპირებაში საუკეთესო ზაკ ლავინი გახლდათ, რომელმაც თავი 39 ქულით, 6 მოხსნით, 3 შედეგიანი გადაცემითა და 1 ჩაჭრით გამოიჩინა.
დემარ დეროუზანმა 23 ქულა, 7 მოხსნა, 3 შედეგიანი გადაცემა და 2 დაფარება მიითვალა.
კანადელთა მხრიდან პასკალ სიაკამმა 32 ქულა, 9 მოხსნა, 6 შედეგიანი გადაცემა და 1 ჩაჭრა დააგროვა.
"მაიამისა" და "ჩიკაგოს" დაპირისპირება 15 აპრილს, თბილისის დროით 03:00 საათზე გაიმართება. "რეპტორსისთვის" კი სეზონი დასრულებულია.
![alt](/pictures/image50/8ec56a960301cc97f5372d94a81d471c.png ""ჩიკაგომ" "ტორონტო" დაამარცხა და პლეი-ოფში გასასვლელად "მაიამის" შეხვდება [VIDEO]")
"ლეიკერსი" და "ატლანტა" პლეი-ოფში გავიდნენ - "მაიამი" და "მინესოტა" შანსს მაინც ინარჩუნებენ [VIDEO]
