სასტუმრო "ქორთიარდ მარიოტში" საქართველოს კალათბურთის ფედერაციის საპრეზიდენტო არჩევნები გაიმართა.როგორც კალათბურთის ფედერაციის პრეზიდენტმა მიხეილ გაბრიჩიძემ განმარტა, იმის მიუხედავად, რომ შიო ხეცურიანმა კანდიდატურა მოხსნა, მას განაცხადი არ შეუტანია ამის თაობაზე ფედერაციაში და ოფიციალურად ის მაინც კანდიდატურად რჩება.
კალათბურთის ფედერაციის საპრეზიდენტო არჩევნებს არ ესწრებოდა 7 ადამიანი, რომელთა ხმები უდრის 18%-ს.
წილისყრის შედეგად, რომელშიც 27-მა დელეგატმა მიიღო მონაწილეობა, პაატა გურასპაულმა მიიღო ხმების 80%, ხოლო შიო ხეცურიანმა - 2%.
შედეგად, მომავალი 4 წლის განმავლობაში ფედერაციის პრეზიდენტი პაატა გურასპაული იქნება.
