საფრანგეთის ნაკრებისთვის სკანდალური მუნდიალი სამხრეთ აფრიკასთან მატჩით დასრულდა, რაც სრულიად მოსალოდნელი იყო იმ ფსიქოზისა და საყოველთაო ქაოსის ფონზე, რაც "სამფეროვანთა" შორის ბოლო დღეებში დატრიალდა.
ფრანგები დეტალურად გამოიძიებენ ამ ყველაფერს და დამნაშავეებს საკადრისად დასჯიან (განსხვავებით ჩვენგან, სამწუხაროდ. წლების განმავლობაში ჩვენ ხომ მსგავს მოვლენებს ვუყრუებდით), ყოველ შემთხვევაში, პრეზიდენტ ნიკოლა სარკოზის ინიციატივით სპეციალური ჯგუფი უკვე შექმნილია. დიახ, გამოიძიებენ და მომავალში ამგვარ შეცდომებს, ალბათ, აღარ გაიმეორებენ.
ჯერჯერობით კი კომენტარები მაინც ცხელ გულზე კეთდება. საფრანგეთის ნაკრების კაპიტანი პატრის ევრა ჟურნალისტებს შეხვდა. შეგახსნებთ, რომ დომენეკმა ევრა
"ახლა უკვე დროა, ბოდიში მოვუხადოთ მთელ საფრანგეთს, ჩვენს გულშემატკივრებს... პირადად მე ვიზიარებ იმ ტკივილს, რაც ხალხს მივაყენეთ. ჩემთვის მძიმე იყო ის მომენტი, როცა მწვრთნელთან ბოდიშის მოსახდელად მივედი და მან გამაჩერა. თუმცა ამან ჩემთვის არაფერი შეცვალა - ახლა ანგარიშსწორების დრო არ არის. ჩვენ უნდა ავუხსნათ ფრანგ ხალხს, თუ რატომ დაგვემართა ეს უბედურება. ეს უნდა იყოს მხოლოდ სიმართლე და ხალხმა უნდა იცოდეს სიმართლე. მე არაფერი მაქვს დასამალი... გულახდილი საუბარი შეიძლებოდა, შემდგარიყო გუშინ საღამოს... მაგრამ ეს არ მოხერხდა, თუმცა აუცილებლად მოხერხდება ამ დღეებში, მალე ყველაფერს ვიტყვი".
