27 ივნისი. ბლუმფონტეინი. ფრი სტეიტი. 18:00
გერმანია-ინგლისი
სავარაუდო შემადგენლობები
გერმანია (4-2-3-1): ნოიერი - ლამი, მერტეზაკერი, ფრიდრიხი, ბადშტუბერი (ან იანსენი) - ხედირა, შვაინშტაიგერი (ან კროოსი) - მიულერი, იოზილი, პოდოლსკი - კლოზე.
ინგლისი (4-2-2-2): ჯეიმსი - ჯონსონი, ტერი, აპსონი (ან კინგი), ე. კოული - ლემპარდი, ბერი - მილნერი, ჯერარდი - დეფო, რუნი.
არბიტრი: ხორხე ლარიონდა (ურუგვაი)
გერმანიის ნაკრების მთავარ მწვრთნელ იოახიმ ლიოვს ისეთი ტაქტიკური სქემა აქვს არჩეული (4-2-3-1), რომელშიც ფლანგის შემტევ ნახევარმცველებს ძალიან მნიშვნელოვანი როლი ეკისრებათ, მაგრამ ჯგუფური ეტაპის პირველ
რაც შეეხება ინგლისის ნაკრებს: ფაბიო კაპელოს გუნდმა ჯგუფურ ეტაპზე მხოლოდ ორი გოლის გატანა შეძლო - ინგლისს საგოლე მომენტების შექმნა ძალიან უჭირს.
კაპელოს გუნდის ლიდერი უეინ რუნი აშკარად არ არის საუკეთესო ფორმაში. "მანჩესტერ იუნაიტედის" ფორვარდს თითქოს გადაღლილობა ეტყობა. იგივე უნდა ვთქვათ ფრენკ ლემპარდზეც, რომელმაც ვერა და ვერ შეძლო ნაკრებში თავის გამოჩენა. ლემპსი უმეტესად სტივ ჯერარდის ჩრდილშია ხოლმე მოქცეული. ამას ისიც ემატება, რომ ინგლისელებმა ჯგუფური ეტაპის ვერცერთ შეხვედრაში ვერ შეძლეს თავიანთი ერთ-ერთი უმთავრესი პლუსის, ფიზიკური სიძლიერის გამოყენება. თანაც, ჯგუფური ეტაპის სამივე მატჩში ინგლისელებს თავდაჯერება აკლდათ. ვფიქრობთ, საკმარისია, გერმანიის ნაკრებმა ინგლისს ანგარიში გაუხსნას, რომ კაპელოს შეგირდები ძალიან ანერვიულდებიან.
გერმანიის ნაკრებს ყველაზე მეტად დაცვის მარცხენა ფლანგზე უჭირს, სადაც ლიოვმა უკვე სამივე კანდიდატი გამოსცადა, მაგრამ მათგან ვერცერთმა ვერ დატოვა კარგი შთაბეჭდილება - ვერც ჰოლგერ ბადშტუბერმა, ვერც ჟერომ ბოატენგმა და ვერც მარსელ იანსენმა. თუმცა ამ უკანასკნელს ცოტა დრო მიეცა თავის გამოსაჩენად და დიდი შანსია, რომ ინგლისთან სასტარტო შემადგენლობაში სწორედ "ჰამბურგის" ფეხბურთელი ვიხილოთ. ფაქტი ის არის, რომ ინგლისელთა სწრაფი გარემარბების, მაგალითად, აარონ ლენონის, ჯო კოულის ან შონ-რაიტ ფილიპსის წინააღმდეგ, იანსენსაც სერიოზული პრობლემები შეექმნება.
განასთან მატჩის შემდეგ, ლიოვს კიდევ ერთ პოზიციაზე აქვს პრობლემა: ბასტიან შვაინშტაიეგრის თამაში თითქმის გამორიცხულია! გერმანელი ექიმების თქმით, ჯერ კიდევ არსებობს მცირე შანსი, რომ შვაინიმ ხვალ საღამომდე ფეხზე დადგომა მოასწროს, მაგრამ ასეც რომ იყოს, თავიდან ბოლომდე ნამდვილად ვერ იასპარეზებს.
"ბასტიანი ჩვენი გუნდის სული და გულია. მისი არყოფნა კატასტროფის ტოლფასი იქნება," - უთხრა ლიოვმა ჩვენს გერმანელ კოლეგებს და შვაინშტაიგერის პოტენციურ შემცვლელად ახალგაზრდა ტონი კროოსი დაასახელა. არადა, ეს უკანასკნელი ტიპური საყრდენი ნახევარმცველი არასდროს ყოფილა. საერთოდ, კროოს გერმანიის ნაკრებში მხოლოდ ხუთი თამაში აქვს ჩატარებული, საყრდენად კი რამდენიმე წუთი უთამაშია. ასე რომ, იოგის შვაინშტაიგერის არყოფნაში დიდ რისკზე წასვლა მოუწევს. ტაქტიკური სქემის შეცვლა და ერთსაყრდენიან სისტემაზე გადასვლა ფაქტობრივად გამორიცხულია, რადგან ინგლისთან მატჩში ეს უფრო დიდი რისკი იქნება, ვიდრე კროოსის საყრდენად გამწესება.
ინგლისელებს ცენტრალური მცველი ლედლი კინგი გამოუჯანმრთელდათ და ხვალ, ჯონ ტერის სავარაუდოდ სწორედ ტოტენჰემელი შეუწყვილდება, თუმცა მთავარი იმედი ისევ და ისევ რუნია. ინგლისელებს იმედი აქვთ, რომ უეინი გოლების გატანას გერმანიის ნაკრებთან მატჩით დაიწყებს და ბოლოს და ბოლოს ისე ითამაშებს, როგორც მისგან ელიან.
"ინგლისთან მატჩი ჩვენთვის უდიდესი გამოწვევაა. ეს არის გუნდი, რომელსაც ყველა მუნდიალის ერთ-ერთ უმთავრეს ფავორიტად მიიჩნევს. ინგლისის ნაკრები ფიზიკურად ძალიან ძლიერია და მთელ გუნდს უდიდესი მონდომება ეტყობა. ფაბიო კაპელომ შეძლო და ინგლისის ნაკრები დისციპლინირებული გუნდი გახადა. ფაქტია, რომ კვირას გენიალური მატჩი გველის," - ეს ბუნდესმწვრთნელ ლიოვის სიტყვებია.
გოტფრიდ ლენცი
