თავს კარგად ვერც ამერიკელთა კარში პირველი გოლის გამტანი კევინ-პრინს ბოატენგი გრძნობს, რომელსაც მერვედფინალურ მატჩში მუხლის მყესები დაეჭიმა. ექიმები მის მდგომარეობას გიანისაზე რთულად აფასებენ, მაგრამ
სამაგიეროდ, მეოთხედფინალს ნამდვილად გამოტოვებენ მცველი ჯონათან მენსა და ნახევარმცველი ანდრე აიუ, რომლებმაც აშშ-სთან შეხვედრაში ზედმეტ გაფრთხილებებს გამოჰკრეს ხელი და შესაბამისად, დისკვალიფიცირებულნი არიან.
დაშავებულია განელთა ძირითადი ცენტრალური მცველი ისააკ ფორსა, რომელსაც სამხრეთაფრიკულ მუნდიალზე მხოლოდ სერბეთთან სასტარტო მატჩის ჩატარება დასცალდა. ამდენი საფიქრალის მიუხედავად, კარგ ხასიათზეა განელთა ნახევარმცველი სტივენ აპია:
"მეც და ჩემი თანაგუნდელებიც შესანიშნავ განწყობაზე ვართ. წნეხისგან თავის დაღწევას იოლად ვახერხებთ, როცა საჭიროა, ფეხბურთზე საერთოდ არ ვფიქრობთ და ვცდილობთ, სხეულიც და გონებაც მაქსიმალურად დავასვენოთ. თუმცა ამასთან ერთად, დისციპლინასაც სრულად ვიცავთ. თუკი სხვა გუნდის ფეხბურთელები გამარჯვების შემდეგ სასტუმროდან გადიან და გვიან იძინებენ, განის ნაკრების ფეხბურთელებს საკმარისად სძინავთ, მაგრამ ამავდროულად, ცოლებთან და მეგობარ გოგონებთან განმარტოვების უფლებაც აქვთ. მოკლედ, ყველა პირობა გვაქვს იმისთვის, რომ განური ფეხბურთის ისტორია შევქმნათ".
ლევან ჯანეზაშვილი
