ფიფამ რამე საქმეს ხელი მოჰკიდოს და ის სამართლიანად გამოუვიდეს? გუშინ შვეიცარიის ქალაქ ციურიხში საზეიმო ვითარებაში დაასახელეს წლის საუკეთესო ფეხბურთელი, რომელიც პირველად ისტორიაში გაერთიანდა "ფრანს ფუტბოლის" ცნობილ გამოკითხვასთან. ასე რომ, ფიფას წლის საუკეთესო ფეხბურთელმა "ოქროს ბურთი" ჩაიბარა. 10 იანვრის გალა წარმოდგენისთვის დარჩენილი იყო სამი ნომინანტი, სამივე "ბარსელონას" წარმომადგენელი: ანდრეს ინიესტა, ჩავი ერნანდესი და ლიონელ მესი. როდესაც ხოსეპ გვარდიოლამ გამარჯვებულის ვინაობა გამოაცხადა, ფეხბურთის მოყვარულთა დიდი ნაწილი და თვით გამარჯვებისთვის შემართული ანდრეს ინიესტა გაოცებული დარჩა.
ბუნებრივია, მესი მხოლოდ ფიფას არჩეული არ არის, გამოკითხვაში
ჭეშმარიტად, მესი უნდა იყო, რომ მუნდიალის წელს მსოფლიოს საუკეთესო ფეხბურთელის პრიზი ისე მიიღო, მუნდიალზე გოლი ვერ გაიტანო. ამ არჩევამ, ნებით თუ უნებლიედ, მსოფლიოს ჩემპიონატის მნიშვნელობა დააკნინა და სანაკრებო ბატალიებზე წინ საკლუბო დააყენა. მაგრამ მესის "ბარსელონას" რომ არც დიდი საერთაშორისო ტიტული მოუგია?
გუნდი ხომ ჩემპიონთა ლიგის ნახევარფინალში მილანის "ინტერთან" დამარცხდა. მუნდიალზე კი ათ ფეხბურთელს მაინც ჩამოგითვლით, რომელთაც ჯადოქარ არგენტინელზე უკეთ ითამაშეს.
საღამო ფიფას პრეზიდენტმა ზეპ ბლატერმა გახსნა მოკლე მიმართვით, შემდეგ მან ადგილი "ფრანს ფუტბოლის" ერთ-ერთ ბოს ფრანსუა მორინიეს დაუთმო. წარსულში ცნობილმა ჰოლანდიელმა ფეხბურთელმა მარკო ვან ბასტენმა პუბლიკას FIFA/FIFPRO WORLD XI წევრები წარუდგინა - 2010 წლის სიმბოლური გუნდი შეადგინეს: იკერ კასილიასმა (რეალი), ჟერარდ პიკემ, კარლეს პუიოლმა (ბარსელონა), ლუსიომ, მაიკონმა (ინტერი), ჩავიმ, ინიესტამ, მესიმ (ბარსელონა), ვესლი სნეიდერმა (ინტერი), კრიშტიანო რონალდომ (რეალი) და დავიდ ვილიამ (ბარსელონა).
ფიფას "ფეერ პლეის" პრიზი ჰაიტის 17-წლამდელ გოგონათა ნაკრებმა მიიღო, რომელთაც მიუხედავად დამანგრეველი მიწისძვრისა სამშობლოში, დიდებულად წარადგინეს ჰაიტი მსოფლიო ასპარეზზე.
ფიფას წლის საუკეთესო მწვრთნელი პორტუგალიელი ჟოზე მოურინიო გახდა, რომელმაც 2010 წელს ორ გუნდს უთავკაცა, "ინტერსა" და "რეალს". მოურინიომ აჯობა მსოფლიოს ჩემპიონ მწვრთნელ ვისენტე დელ ბოსკეს (მუნდიალის მნიშვნელობის კიდევ ერთი დამცირება) და "ბარსელონას" თავკაც ხოსეპ გვარდიოლას. წლის ქალთა საუკეთესო მწვრთნელი სილვია ნეიდი გახდა.
ფიფას პუშკაშის სახელობის პრიზი, რომელიც წლის საუკეთესო გოლის ავტორისთვის იყო განკუთვნილი, ფანების შერჩევით თურქეთის ნაკრების ნახევარმცველ ჰამით ალთინტოპს ერგო, რომელმაც საყოველთაო აღიარებით ყაზახეთის ნაკრების კარში ულამაზესი გოლი გაიტანა [VIDEO].
წლის საუკეთესო ფეხბურთელი ქალი 24 წლის ბრაზილიელი მარტა გახდა. ამის შემდგ კი დადგა კულმინაციიის ჯერი, რომლის შესახებაც ზემოთ მოგახსენეთ - მესი 2010 წლის საუკეთესო ფეხბურთელია.
"დიდი მადლობა ამ ოვაციებისთვის. სიმართლე გითხრათ, დღეს მე გამარჯვებას არ ველოდი. ჩემთვის უკვე ის იყო დიდი პატივი, რომ აქ ვიმყოფებოდი ორ თანაგუნდელთან ერთად. გამარჯვებამ კი კიდევ უფრო დიდებული გახადა ჩემთვის ეს საღამო. მინდა ჩემი სიხარული და ეს პრიზი ყველა ბარსელონელსა და არგენტინელს გავუზიარო", - განაცხადა ლეომ სამადლობელო სიტყვაში. შეგახსენებთ, რომ არგენტინელმა "ოქროს ბურთი" ზედიზედ მეორედ მოიპოვა, 2009 წელსაც მან გაიმარჯვა.
.
---