ლუიშ ფელიპე სკოლარის სანაკრებო სიაში არ მოიძებნა ადგილი მადრიდის "ატლეტიკოს" ფორვარდ დიეგო კოშტასთვის.არადა, დიეგო კოშტა სუპერფორმაშია - 24 წლის ბრაზილიელმა ლა ლიგაში 7 გოლი გაიტანა.
ესპანური მედიის ცნობით, ეს იყო ბოლო წვეთი და კოშტამაც საბოლოოდ გადაწყვიტა იმ ნაკრების მაისურის მორგება, რომელსაც ძალიან სურს მისი დამატება.
საუბარი ევროპისა და მსოფლიოს ჩემპიონ ესპანეთზეა. ვისენტე დელ ბოსკეს ნამდვილად არ შეუშლის ხელს მუნდიალზე კიდევ ერთი მაღალი დონის ფორვარდი.
კოშტას ბრაზილიის ნაკრებში მარტში ორი ამხანაგური მატჩი აქვს გამართული - იტალიასთან და რუსეთთან.
"ახლა მხოლოდ
ფიფას წესებით, თუ ფეხბურთელს ორმაგი მოქალაქეობა აქვს, მას შეუძლია შეცვალოს ნაკრები, თუკი არ უთამაშია "ა" კატეგორიის საერთაშორისო მატჩში, კოშტამ კი მხოლოდ ამხანაგურში ითამაშა.
ლუიშ ფელიპე სკოლარი გაოცებულია:
"ფიფა, მგონი, 40-60-იანი წლების დროს უბრუნდება, როცა სანდრო მაცოლას ბრაზილიის ნაკრებშიც ჰქონდა ნათამაშები და იტალიაშიც; ასევე, შემიძლია გავიხსენო დი სტეფანო, პუშკაში...
ერთ-ორ წელიწადში ეს ცუდ შედეგებს მოუტანს მსოფლიო ფეხბურთს. ფეხბურთელმა შეიძლება 1, 5, 10 ან ასი თამაში ითამაშოს ამხანაგური და თურმე ეს არ ითვლება - საოცარია პირდაპირ".
ასევე იხილეთ:
ლუიშ ფელიპე სკოლარი: მუნდიალზე თამაში ნებისმიერ ბრაზილიელ ფეხბურთელს შეუძლია
![კვლავ თავის სტიქიაშია - დიეგო კოშტამ "გრემიოს" 20-წლამდელებშიც იჩხუბა [VIDEO]](/pictures/image7/32e133b0bc172743e17cb89793399b43.png "კვლავ თავის სტიქიაშია - დიეგო კოშტამ \"გრემიოს\" 20-წლამდელებშიც იჩხუბა [VIDEO]")
