აფრიკიდან მუნდიალის მონაწილეთა სია შეივსო: ბოლო ორი საგზური განის და ალჟირის ნაკრებებმა მოიპოვეს...უცნაური ნაკრებია ეგვიპტე - აფრიკის თასზე თითქმის ყოველთვის ღირსეულად გამოდის, მაგრამ როგორც კი მსოფლიოს ჩემპიონატს ახსენებ... თითქოს ფარაონებისა და პირამიდების ძალა ეგვიპტელებს მხოლოდ თავიანთ კონტინენტზე ჰყოფნით და მუნდიალისკენ არც კი იყურებიან. ეგვიპტეს ყველაზე მეტჯერ (7) აქვს მოგებული აფრიკის თასი, მაგრამ მსოფლიოს ჩემპიონატზე სულ ორჯერაა ნამყოფი - 1934 და 1990 წლებში.
ამჯერად ეგვიპტელებს ბობ ბრედლის იმედი ჰქონდათ, ამერიკელი სპეციალისტის, რომელმაც წინა მუნდიალზე ეროვნული ნაკრები ჩაიყვანა აფრიკაში. თუმცა უცხოელი
კაიროში მასპინძლებმა ერთადერთი იმით მოიფხანეს გული, რომ მოკრძალებულად მოიგეს და ბოლომდე არ შერცხვნენ. თუმცა საერთო ანგარიში - 3:7 - ძალიან ცუდად კი ხვდება თვალს.
როგორც ჩანს, ეგვიპტეს რაღაც მაგიური კავშირი აქვს "ჰალ სიტისთან", რადგან პირველი გოლი "ვეფხვების" ყოფილმა შემტევმა, თქვენთვის კარგად ნაცნობმა ამრ ზაკიმ გაიტანა, ხოლო მეორე დაშავებული კაჰრაბას ნაცვლად მინდორზე გამოსულმა მოჰამედ ნაგი აფაშმა ანუ უბრალოდ გედომ, რომელიც ამჟამადაა "ჰალის" ფეხბურთელი.
გედომ ანგარიში 2:0 გახადა, მაგრამ არანაირი ილუზია რაიმე შანსზე და 5:0-ზე არავის ჰქონია, ეს მხოლოდ 85-ე წუთზე მოხდა. თანაც, 89-ეზე შეცვლაზე 10 წუთის გამოსულმა კევინ-პრინს ბოატენგმა უგოლოდ ვერ მოისვენა, ასამოა გიანის პასი შეირგო და საბოლოო ანგარიში - 2:1 დააფიქსირა.
აი, ასე ცალი ფეხით მოიპოვა განამ მსოფლიოს ჩემპიონატის საგზური და სავსებით დამსახურებულად, რადგან მეტოქეს აშკარად სჯობდა და ფინალურ ეტაპზეც ხელწამოსაკრავი არავისთვის იქნება. ალბათ, გახსოვთ განელთა კარგი თამაში და დრამატული მარცხი ურუგვაისთან სკანდალურ შეხვედრაში - აფრიკელებს ძალიან არ გაუმართლათ, თორემ განა კონტინენტის პირველი წარმომადგენელი გახდებოდა, რომელიც ნახევარფინალს უწევდა.
მაშინ "შავ ისრებს", გარდა თავიანთი არაზუსტი გასროლებისა, ლუის სუარესის "ღმერთის ხელის" ცრუ და მოდერნიზებულმა ვარიანტმა გადაუღობათ გზა.
ასე რომ, კოტ დივუარისა არ იყოს, განა ზედიზედ მესამედ გავიდა მსოფლიოს ჩემპიონატზე. 2006 წლამდე ვერც ერთი ეს ნაკრები ვერ ახერხებდა მუნდიალზე მოხვედრას.
ყველაზე უიღბლო კაცი კი მთელ ამ ისტორიაში ვინ არის, იცით? საწყალი ბობ ბრედლი, რომლის სიმპათიური ამერიკა ჯერ სამხრეთ აფრიკაში დამარცხდა განასთან მძიმე ბრძოლაში, ახლა კი ამერიკელი განელებმა აქაც არ გაახარეს. თამამად შეგვიძლია ვივარაუდოთ, რომ ბრედლის თუ აქამდე არცერთი ქვეყანა არ სძულდა, ამიერიდან შესძულდება.
***
მოგვიანებით ალჟირის ნაკრებმა 1:0 მოუგო ბურკინა ფასოს და მუნდიალის საგზური სტუმრად გატანილი გოლების წყალობით მოიპოვა. გამარჯვების გოლის ავტორი მაჯიდ ბუღერაა.
ეგვიპტე-განა 2:1 (1:6)
გოლები: ზაკი (25), 2:0 გედო (85), 2:1 კ. ბოატენგი (89)
ალჟირი-ბურკინა ფასო 1:0 (2:3)
გოლი: 1:0 ბუღერა (49)
ყოველდღიური სპორტული გაზეთი "ლელო"
