ფიფას გენერალური მდივნის, ჟერომ ვალკეს განცხადებით, 2022 წლის მსოფლიოს ჩემპიონატი ზამთარში უნდა გაიმართოს. გეტყვით, რომ მსგავსი პრეცედენტი ჯერ არ ყოფილა. ცვლილებების აუცილებლობა მასპინძელი ქვეყნის კლიმატურმა პირობებმა გამოიწვია - ივნის-ივლისში არაბეთის ნახევარკუნძულზე საშუალო ტემპერატურა 38 გრადუსს აღწევს, შუადღეზე კი ის 45-საც აჭარბებს. ყველა ხვდება, რომ ასეთ პირობებში ფეხბურთის თამაში შეუძლებელია. აი, რა თქვა ფრანგმა ფუნქციონერმა:
"მსოფლიოს ჩემპიონატი ტრადიციულ დროს ვერ ჩატარდება. ვფიქრობ, იდეალური იქნება, თუკი ტურნირი ნოემბრის შუა რიცხვებიდან დეკემბრის ბოლომდე გაიმართება, როცა ყატარში ტემპერატურა ევროპის თბილი პერიოდის ანალოგიური იქნება".
აქამდე
ყოველდღიური სპორტული გაზეთი "ლელო"
