თბილისის ‘ლოკომოტივმა’ დიდი 10-ის 2017 წლის დასკვნით მატჩში ‘ბათუმი’ 24:15 დაამარცხა და სატურნირო ცხრილში მეორე ადგილამდე აღზევდა.ეს იყო მე-5 ტურის შეხვედრა, რომელიც ორჯერ გადაიდო და დღეს ‘შევარდენზე’ გაიმართა. ‘კონტინენტის ფარზე’ ნაომარმა ზღვისპირელებმა რამდენიმე ლიდერს დასვენების საშუალება მისცეს. მათი ნაწილი ბრძოლაში მეორე ტაიმში ჩაერთო და ‘ბათუმს’ ბონუს-ქულის აღების კარგი შანსი ჰქონდა, მაგრამ ამით ვერ ისარგებლა.
‘ლოკომოტივმა’ შექმნილი სიტუაციის გამოყენება სცადა და ჯარიმები კარში არ ურტყა. ლელოზე თამაშის ტაქტიკამ შედეგი საწყის 15 წუთში ორჯერ მოიტანა. პირველ ჯერზე გიორგი აფციაურმა მეტოქის 22-ში
სტუმრებმა ტემპს უმატეს, შეტევებში ფანტაზია ჩართეს და მე-18 წუთზე ვახტანგ ამირანაშვილი რაქში ბურთის შეყოვნებისთვის სინბინით დაისაჯა. დურმიშხან ჯაბნიძემ კარის წინ 24 მეტრიდან 3 ქულა აიღო, 5 წუთში კი, მასპინძლები შეცდნენ და კიდევ 7 ქულა მიიღეს. ჯაბნიძეს ჯარიმა რომ გაუცუდდა ‘ლოკომოტივმა’ საკუთარი 22-იდან ხელდახელ სცადა შეტევა, მაგრამ ბურთი დაკარგა, გიორგი მენაბდემ მას ფეხი წაკრა და ლელოში დაამიწა, ხოლო ჯაბნიძემ გარდასახვით წონასწორობა აღადგინა.
თბილისელებმა დასკვნით 10 წუთში უპირატესობა დაიბრუნეს და ორი ლელო გაიტანეს. პირველ ჯერზე მათი მოლი შოთა გოგისვანიძემ განზრახ ჩააქცია და თავად სინბინით, ხოლო გუნდი საჯარიმო ლელოთი დაისაჯა. 33-ე წუთზე ლაშა გედეხაურმა კარის წინ გაჭრა ხაზი, აფციაურმა და ვახტანგ კავთიძემ ბურთი მარჯვნივ ჩაათამაშეს, ლევან გოგოლაშვილი მცველს ერთი-ერთზე გაექცა და კავთიძემ რთული პოზიციიდან გარდასახა - 24:10.
ასეთ პირობებში ‘ლოკომოტივი’ ბონუსის მოპოვებასთანაც ახლოს იყო, მაგრამ ‘ბათუმმა’ მეორე ტაიმში მოედანზე ლიდერები შეიყვანა და თამაშის მსვლელობაში გარდატეხა შეიტანა. მიუხედავად ამისა ანგარიში უცვლელი რჩებოდა და დასკვნითი მეოთხედის წინ რეფერიმ ხვიჩა ბუჯიაშვილს ჯერ ყვითელი, ხოლო რამდენიმე წამში წითელი ბარათი რომ უჩვენა (ჩხუბის პროვოცირებისთვის) თითქოს მასპინძლებს პრემიის აღება აღარ უნდა გაჭირვებოდათ, მაგრამ ზღვისპირელებმა აღებული ტემპი არ დააგდეს და მალე მოედანზე რიცხობრივი წონასწორობა აღსდგა - კოპაძემ ლელოს სიახლოვეს თამაშის წესები დაარღვია. 3 წუთში სანდრო ქოიავამ დერეფანში მოიგო ბურთი და მოლი 5 ქულით არჩილ ალიქაძემ დაასრულა. ჯაბნიძეს ბათუმელებისთვის ბონუსის დაბევება შეეძლო, თუმცა გარდასახვა ვერ გაიტანა და საბოლოოდ ‘ლოკომოტივმა’ 24:15 იმარჯვა.
მომზადებულია Rugby.ge-ს მიხედვით
