ფოტოს ავტორი: გელა ბედიანაშვილი"ბორჯღალოსანთა" სამწვრთნელო შტაბმა 2018 წლის პირველი მატჩისთვის, რომელსაც 10 თებერვალს ქუთაისის "აია არენაზე" ბელგიასთან გავმართავთ, 28-კაციანი, გაფართოებული შემადგენლობა დაასახელა.
შეგახსენებთ, რომ სამატჩო, 23-კაციანი შემადგენლობა, ტრადიციულად, მატჩამდე 48 საათით ადრე დასახელდება.
გაფართოებული რაზმი გამოცდილი და შედარებით ახალგაზრდა მორაგბეების ნაზავია, ორი კი დებიუტანტია.
"ბორჯღალოსანთა" კვართის პირველად მორგების შანსი აქვთ საქართველოს ჩემპიონის, გორის "ჯიქის" კაპიტანს, 25 წლის მესამეხაზელ გურამ შენგელიას და "ენისეის" ასევე მესამეხაზელ მიხეილ გაჩეჩილაძეს.
28 კაცში 11 დიდი 10-ის კლუბებს წარმოადგენს, დანარჩენები კი ლეგიონერები არიან. წინასწარ დასახელებული
ტრავმის რეაბილიტაციის გამო ბელგიის წინააღმდეგ ვერ ითამაშებს გუნდის კაპიტანი მერაბ შარიქაძე, რომელიც შეკრებაზეა და გუნდთან ერთად ემზადება.
"ეს არის გაფართოებული შემადგენლობა რაგბი ევროპის ჩემპიონატის პირველი ორი მატჩისთვის, რომელიც გამოცდილი და შედარებით ახალბედებითაა დაკომპლექტებული. რამდენიმე მოთამაშეს მსუბუქი ტრავმა აწუხებს და მათ დასვენების საშუალება მივეცით, თუმცა მომდევნო სამი შეხვედრისთვის მზად იქნებიან.
ბელგია და გერმანია მნიშვნელოვნად პროგრესირებენ და არავითარ შემთხვევაში არ ვაპირებთ მათ დაუფასებლობას - მზად ვართ, რომ მატჩის დღეს "ჩვენი თამაში" ვითამაშოთ. რაგბი ევროპის ჩემპიონატი ჩვენთვის მნიშვნელოვანი ტურნირია და მაქსიმუმს გავაკეთებთ, რათა 2018 წელს ჩემპიონები გავხდეთ!" - განაცხადა მილტონ ჰეიგმა.
![Sportall.Ge](/pictures/artimages/original/7bf82b7a57102c1a1b6915d51e9f3ed0.jpg ""ბორჯღალოსნების" გაფართოებული შემადგენლობა ბელგიასთან მატჩისთვის ცნობილია")
მომზადებულია rugby.ge-ს მიხედვით
!["ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?" - მერაბ შარიქაძისა და რიჩარდ კოკერილის ინტერვიუ [VIDEO]](/pictures/image7/13a43da2348df77665f619fb325bd0f1.png "\"ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?\" - მერაბ შარიქაძისა და რიჩარდ კოკერილის ინტერვიუ [VIDEO]")
