18 მარტს რაგბი ევროპის ჩემპიონატის დასკვნით ტურში "ბორჯღალოსნებმა" პირთამდე სავსე "დინამო არენაზე" რუმინეთი 25:16 დაამარცხეს და ტურნირზე ხუთივე მატჩში გაიმარჯვეს.
ჯარიმიდან მე-7 წუთზე ზუსტი დარტყმა სოსო მათიაშვილმა შეასრულა. მე-11 წუთზე რუმინელებმა საპასუხო ჯარიმა გაგვიტანეს.
22-ე წუთზე ლელოს ავტორი ლაშა ლომიძე გახდა. გარდასხვა კი ზუსტად სოსო მათიაშვილმა შეასრულა.
ბოლო წუთზე კი რუმინელებმა კიდევ ერთი ჯარიმა გაგვიტანეს და პირველი ნახევარი 10:6 დასრულდა.
მეორე ტაიმში ანზორ სიჭინავამ ლელო დადო, მათიაშვილმა გარდასახვა შეასრულა - 17:6. შემდეგ მანვე ჯარიმა ზუსტად შეასრულა - 20:6. კარლენ ასეიშვილმა ლელო დადო, გარდასახვა მათიაშვილმა ვერ გამოიყენა - 25:9.
ბოლოს სტუმრებმა ლელო დადეს და გარდასახვა გამოიყენეს და იმის შეტყობით, რომ ბელგიამ ესპანეთი დაამარცხა და მსოფლიოს ჩემპიონატზე გავიდნენ, ამ მატჩში დამარცხებულებმა გახარებულებმა დატოვეს მოედანი.
საქართველოს მორაგბეთა ნაკრები კი ჩემპიონი გახდა და ანთიმოზ ივერიელის სახელობის თასი დაიბრუნა. "ბორჯღალოსნებმა" მეათედ გაიმარჯვეს ერთა თასზე.
შეხვედრის საუკეთესო მოთამაშედ კოკი თხილაიშვილი აღიარეს.
აღსანიშნავია, რომ ქართველი მორაგბეები მატჩზე თეთრი მაისურებით გამოვიდნენ, რომელზეც ცხინვალში მოკლული არჩილ ტატუნაშვილის გვარი ეწერა.
17:59 18-03-2018
"ბორჯღალოსნებმა" რუმინეთი 25:16 დაამარცხეს და მეათედ გაიმარჯვეს ერთა თასზე [VIDEO]
AutoSharing Option
ასევე დაგაინტერესებთ
!["ბორჯღალოსნების" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]](/pictures/image7/631192a2ce41d22fd7bb5776f653c1d8.png "\"ბორჯღალოსნების\" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]")
უძრავი ქონება
სიახლეები
პოპულარული
ეს ის კაცი, ხომ არაა რომელის კანონ "შემოქმედებაა" 50 მილიონის გადაყრა ყოველ წელს უთავმოყვარეო ფეხბურთის ფუნქციონერებისთვის? და ამ დროს რაგბს 7ჯერ ნაკლები ბიუჯეტი აქვს!!! ესაა ქართული ოცნების სამართლიანობის აღდგენა - ისე როგორც ყველა სფეროში აღადგინეს...
აპრაკუნე ჭიმჭიმელი ხართ, პატივცემულო პარლამენტის თავმჯდომარევ!
ხელი გაუხმეს ვინც სიმართლის თქმისთვის ეს პოსტი დაბლოკოს!
რაც შეეხება თამაშს. ერთადერთი პოზიტივი გულშემატკივრობა იყო.. არ ვიცი თუ ეს თამაშები ვარჯიშის ხასიათს ატარებდა, მაშინ კვირიკაშვილს რით ვერ ელევით გასინჯეთ ამ პოზიციაზე ახალგაზრდები(ბიჭები ფრინავენ!!!), მაგრამ მარტო კვირიკაშვილი არაა ჩვენი სუსტი წერტილი, ტექნიკური წუნი გვაქვს ძალიან დიდი... თუ ვარჯიშია, რატომ ვართ ასე დაძაბულები, რატომ ვცდილობთ სამი ქულის აღებას ნაცვლად სალელოვე შეტევისა, რატომ ვცდილობთ შერკინებით შესვლას ხუთმეტრიან ზონიდან ჩათვლის მოედანში(ისედაც ვიცით ეომ შერკინებაში მაგრები ვართ!!!), სამი თამაში ჩავატარეთ სახლში და ორი სტუმრად... ვერსად ვერ დავინახე ვარჯიშისთვის დამახასიათებელი თავხედობა და ინდივიდუალიზმი, მეც ვიყავი სპორტსმენი და ვიცი ვარჯიშისთვის დამახასიათებელი ფსიქოლოგიასა და თამაშისთვის საჭირო განწყობას შორის რა სხვაობაცაა, და ეს ყველაფერი სპორტსმენის შემოქმედებას ეტყობა. ტიერ 1 -ის გუნდებთან ტოლსწორად სათამაშოდ ეს ძალიან ცოტააა... ეს ან ჰეიგის ბრალია ან სპორტსმენების უდისციპლინობის როცა შინაარს სცდება სათამაშო რიტმი. ამდენი ბურთის დაკარგვა, რაქიდან შეტევის არასწორად განვითარება, ხელით თამაშის დაბალი ტექნიკა, შეუთამაშებლობა, და კვირიკაშვილი... ამ კაცმა ან არ იცის რომ რაგბი სტრატეგიული თამაშია და შენს მიერ აუტში ვერ გადატანილი ბურთის გამო დაკარგული პოზიციის დაბრუნება გუნდს უჯდება დიდი შრომის და დროის დაკარგვის ფასად. და მოპოვებულს ისევ იგივე შეცდომით უკარგავ და წყალში უყრი, შე დალოცვილო 5 მეტრი გიწყვიტავს თუკი ხაზის გამჭრელი ხარ და ხელით შეტევის განვითარების უნარი და სიჩქარეები გაქვს შესაბამისი?! (. არ მინდოდა კრიტიკული ვყოფილიყავი ბიჭებმა იშრომეს და მაინც გაიმარჯვეს, მადლობა ამისთვის! თუმცა ეს რეალობაა!!!((
ეხლა რაც შეეხება სტადიონზე შეშვებას
ეს რა უბედურებაა, ძალიან ნელა უშვებდნენ ხალხს სტადიონზე და სრულიად გაურკვეველი მიზეზის გამო ხანდახან სულ აჩერებდნენ შეშვებას, სრულიად გაურკვეველი მარაზმიაა.
უშველეთ ამ სიტუაციას რამე ვისაც გეხებათ, რატომ არის სულ ეს პრობლემა, თხოვნაა იქნებ რედაქციამ მიმართოს ადმინისტრაციას რატომ არის მუდმივად ეს პრობლემა
40 ათასი კაცი დაწყებამდე 5 წუთით ადრე რომ მიაწყდება სტადიონს ვერცერთი სტადიონი ამას ვერ გაატარებს, გამორიცხულია!
5 წუთში 40 ათასი კაცი ევაკუაციის დროს შეიძლება ვერ გაატაროს, როცა ყველა კარი ღიაა.
თუ დათვალეთ რამდენ წუთში გამოხვედით თამაშის მერე, ყველა კარი რომ ღია იყო?