დღეს, 1 თებერვალს, საქართველოს მორაგბეთა ნაკრებმა რუმინეთის ნაკრები 41:13 დაამარცხა. რუმინეთის მორაგბეთა ნაკრების მწვრთნელმა ენდი რობინსონმა საქართველოს ნაკრებთან დაპირისპირების შემდეგ პრესკონფერენცია გამართა და მატჩზე ისაუბრა.
"მეორე ნახევარში, როდესაც ანგარიში საყაიმო იყო, ვიფიქრეთ, უფრო მეტ წნეხს მოვახდენდით მეტოქეზე, მაგრამ ამის გაკეთება ვერ შევძელით, რადგან ვერ გამოვიყენეთ რამდენიმე შანსი, განსაკუთრებით პრობლემები შეგვექმნა დერეფნის დროს. საქართველომ დაიმსახურა გამარჯვება.
ეს არის პირველი თამაში ჩვენი ნაკრებისთვის დეკემბრის შემდეგ, ფაქტიურად ახლა ხდება შეთამაშება. მინდა ხაზი გავუსვა, თუ როგორ ვითამაშეთ პირველი 60 წუთი, ასევე მადლობა გადავუხადო ჩემს
მოთამაშეებს, რომლებმაც ბოლომდე იბრძოლეს. რუმინეთის ნაკრები მიდის იქითკენ, რომ აჩვენოს ის რაგბი, როგორიც პირველ სამოც წუთში ვითამაშეთ.
მინდა პატივისცემა გამოვხატო საქართველოს ნაკრების მიმართ, რომელიც მსოფლიო თასის შემდეგ კარგად შეთამაშებული იყო. მიუხედავად იმისა, რომ ახალი მწვრთნელი ჰყავს, ის ძალიან დიდი ხანია მუშაობდა გუნდში".
"ბორჯღალოსნებმა" შემტევი რაგბით მეორე ტაიმში რუმინეთი გატეხეს და გაანადგურეს [VIDEO]
![საქართველოს ნაკრებმა ტონგას 22:7 მოუგო [VIDEO]](/pictures/image7/9d0db8b81489c848be9a94f86e43ecf0.jpg "საქართველოს ნაკრებმა ტონგას 22:7 მოუგო [VIDEO]")
![დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]](/pictures/image7/76b9fbee4c9a672a0528d182d6155e68.jpg "დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]")
