<p>"ბორჯღალოსნების" მთავარმა მწვრთნელმა ლევან მაისაშვილმა შემოდგომის პირველი ორი ტესტ-მატჩისთვის გაფართოებული შემადგენლობა დაასახელა.</p><p>საქართველოს ნაკრები 23 ოქტომბერს ედინბურგში, „მარიფილდზე“ შოტლანდიის ნაკრებს ეთამაშება, ხოლო 1-ელ ნოემბერს რაგბი ევროპის ჩემპიონატის გადადებულ შეხვედრაში რუსეთს თბილისში უმასპინძლებს. ამ მატჩებისთვის ჯამში 38 მორაგბე მოემზადება, რომელთაგან 22 მორკინალი და 16 ხაზის მოთამაშეა.</p><p>14 ნოემბრიდან "ბორჯღალოსნები" „შემოდგომის ერთა თასში“ ჩაერთვება, სადაც 14 ნოემბერს ინგლისს, 21 ნოემბერს უელსს, 29 ნოემბერს ირლანდიას და 5 დეკემბერს მეორე ჯგუფის ერთ-ერთ გუნდს (საფრანგეთი, შოტლანდია, იტალია, ფიჯი) ეთამაშება.</p><p>„გამოძახებულია ყველა, ვინც ამ ეტაპისთვის მზადაა და ვისი საქმეში ხილვაც მინდა. რეგულაციებიდან გამომდინარე, შოტლანდიასთან მატჩამდე ეს სია შემცირდება და საფრანგეთში შეკრებაზე 32-33 მორაგბე გვეყოლება. არის პოზიციები, სადაც ჯერ კიდევ არ ჩამოვყალიბებულვართ, ვინ მიიღებს მონაწილეობას პირველ ორ თამაშში. „შემოდგომის ერთა თასისთვის“ გაფართოებული შემადგენლობის ბირთვი იგივე იქნება. შესაძლოა, იყოს მცირე ცვლილებები“ – განაცხადა შემადგენლობასთან დაკავშირებით ლევან მაისაშვილმა.</p><p><strong>ხუთი დებიუტანტი</strong></p><p>გაფართოებულ რაზმში ხუთი დებიუტანტია: "ბორდოს" 28 წლის ბურჯი ლექსო ყაულაშვილი, "ბაიონის" ახალგაზრდა მესამეხაზელი იოანე იაშაღაშვილი, "ორიაკის" 9 ნომერი მიხეილ ალანია, რომელსაც პრო დე 2-ში ახლახან შესანიშნავი დებიუტი ჰქონდა, 20-წლამდელთა ნაკრების შუამარბი სანდრო სვანიძე და დავით ნინიაშვილი, "ხვამლის" ფულბეკი, რომელსაც აქამდე მხოლოდ 18-წლამდელთა ნაკრებში და საქართველოს რეგიონალ ლიგაში უთამაშია.</p><p><strong>მაისაშვილმა დებიუტანტები სათითაოდ დაახასიათა:</strong></p><p><p><p>„ლექსო ყაულაშვილს დავურეკე და მან მითხრა, რომ სურს საქართველოს ნაკრებში თამაში. მე მას დიდი ხანია ვაკვირდები. მართალია, საფრანგეთში ჯერ ბევრი ტური არ ჩატარებულა, მაგრამ ის ხშირად თამაშობდა და საკმაოდ კარგად გამოიყურებოდა. ფიზიკურად კარგადაა და შეუძლია როგორც მარჯვენა, ასევე მარცხენა ბურჯად თამაში. ჩვენ მას დავაკვირდებით და თუ ჩაჯდება გუნდის შემადგენლობაში, შოტლანდიასთან ან რუსეთთან ითამაშებს“.</p></p></p><p><p><p>„მიხეილ ალანიას კარგად ვიცნობ, ის ნაკრების გაფართოებულ შემადგენლობაში მსოფლიო თასის წინაც გვყავდა. მუდმივად ვაკვირდებოდი მის დინამიკას და კარგად ვითარდება. ალანია პერსპექტიული მოთამაშეა და ჩავთვალეთ, რომ დროა ეროვნულ ნაკრებშიც თქვას თავის სიტყვა. დარწმუნებული ვარ, ის მისი პოზიციის მოთამაშეებს ღირსეულ კონკურენციას გაუწევს“.</p><p>„იგივე ითქმის იოანე იაშაღაშვილზე, რომელსაც კარგად ვიცნობთ 20-წლამდელთა ნაკრებიდან. საფრანგეთში, კლუბში დაბრუნებამდე, ის მაისიდან ჩვენთან ერთად ვარჯიშობდა და დარწმუნებული ვარ, თავს ძალიან კარგად წარმოაჩენს“.</p><p>„კარგად ვიცნობ სანდრო სვანიძის შესაძლებლობებსაც, რომელმაც 20-წლამდელთა ნაკრებში კარგი თამაშები ჩაატარა და ეროვნულშიც გვყავდა შეკრებაზე“.</p><p>„რაც შეეხება დავით ნინიაშვილს, ჯერ მხოლოდ 18 წლისაა და ითამაშა მხოლოდ 18-წლამდელთა ნაკრებში, ასევე, "ხვამლის" შემადგენლობაში რეგიონალ ლიგაში და გამოცდილება აკლია. ის არის პერსპექტიული, კარგი უნარ-ჩვევების მქონე მორაგბე. ნინიაშვილი ნაკრებთან ერთად მაისიდან ვარჯიშობს და ფიზიკურადაც კარგ ფორმაშია. არის მეორე მომენტიც – ამ პოზიციის მორაგბეებით განებივრებულნი არ ვართ და მნიშვნელოვანია სიღრმეების გაზრდა. დარწმუნებული ვარ, გონიერი მოთამაშე ამ ტიპის გამოცდილებას გამოიყენებს და გამოცდილების მიღების შანსიც ექნება. რამდენად მოუწევს მას შოტლანდიასთან ან რუსეთთან თამაშის შესაძლებლობა, მომავალში გამოჩნდება“.</p><p><strong>ყველანი მეორე ხაზში</strong></p><p>გამოცდილი მორაგბეების – გიორგი ნემსაძისა და შალვა სუთიაშვილის ნაკრებიდან წასვლის ფონზე, მაისაშვილმა მეორე ხაზში ექვსი მორაგბე გამოიძახა. მათ შორისაა "ორიაკის" მეორეხაზელი გიორგი ჯავახია, რომელსაც "ბორჯღალოსანთა" კვართით ერთხელ, შარშან ესპანეთის წინააღმდეგ უთამაშია:</p><p>„მაშინ მან ნაკრებში მესამე ხაზში ითამაშა, თუმცა ვფიქრობ, რომ მისი ძირითადი პოზიცია მეორე ხაზია. ეს ჩვენთვის პრობლემური პოზიციაა და მოთამაშეთა მაქსიმალური რაოდენობა გამოვიძახეთ. საფრანგეთში შეკრებაზე ყველა გვეყოლება, დავაკვირდებით და შერკინებისა და დერეფნის მწვრთნელებთან ერთად გადავწყვეტთ, ვინ გვეყოლება თამაშებზე“.</p><p><strong>9 დღე საფრანგეთში</strong></p><p>ის "ბორჯღალოსნები", რომლებიც ქართულ კლუბებში თამაშობენ ან უკვე საქართველოში არიან, 21სექტემბრიდან შეკრებაზე „შევარდენზე“ შევიდნენ. ისინი იქ თვითიზოლაციის პირობებში 11 ოქტომბრამდე დარჩებიან, მერე კი საფრანგეთში გაემგზავრებიან.</p><p>მსოფლიო რაგბის მე-9 რეგულაციის თანახმად, "ბორჯღალოსნებს" სამი დღით ლეგიონერებიც შეუერთდებიან და მანდელიუში ივარჯიშებენ, მერე კი თამაშებისთვის კლუბებს დაუბრუნდებიან და ორშაბათს კვლავ საწვრთნელ ბანაკში გამოცხადდებიან.</p><p>ედინბურგში საქართველოს ნაკრები თამაშამდე სამი დღით ადრე ჩავა.</p><p>გაფართოებული რაზმი შოტლანდიასთან და რუსეთთან:</p><p><strong>შერკინება</strong></p><p>პირველი ხაზი: მიხეილ ნარიაშვილი (61 კეპი, 10 ქულა), გურამ გოგიჩაშვილი (14 კეპი, 5 ქულა), ლექსო ყაულაშვილი, შალვა მამუკაშვილი (74 კეპი, 50 ქულა), ჯაბა ბრეგვაძე (58 კეპი, 20 ქულა), გიორგი ჭყოიძე (11 კეპი, 5 ქულა), ლევან ჩილაჩავა (54 კეპი, 50 ქულა), ბექა გიგაშვილი (14 კეპი, 5 ქულა), გიორგი მელიქიძე (19 კეპი, 5 ქულა);</p><p><strong></p><p>მეორე ხაზი:</strong> კოტე მიქაუტაძე (64 კეპი, 10 ქულა), ნოდარ ჭეიშვილი (25 კეპი), დავით გიგაური (6 კეპი, 5 ქულა), გრიგორ ქერდიყოშვილი (2 კეპი, 5 ქულა), ლაშა ჯაიანი (2 კეპი), გიორგი ჯავახია (1 კეპი);</p><p>მესამე ხაზი: ბექა გორგაძე (27 კეპი, 40 ქულა), ბექა საღინაძე (12 კეპი, 5 ქულა), ოთარ გიორგაძე (25 კეპი, 25 ქულა), გიორგი თხილაიშვილი (57 კეპი, 60 ქულა), მიხეილ გაჩეჩილაძე (10 კეპი, 10 ქულა), თორნიკე ჯალაღონია (1 კეპი), იოანე იაშაღაშვილი;</p><p><strong>ხაზი</strong></p><p>9: ვასილ ლობჟანიძე (51 კეპი, 40 ქულა), გელა აფრასიძე (25 კეპი, 24 ქულა), მიხეილ ალანია;</p><p>10: თედო აბჟანდაძე (15 კეპი, 102 ქულა), ლაშა ხმალაძე (83 კეპი, 53 ქულა);</p><p>12-13: მერაბ შარიქაძე (66 კეპი, 62 ქულა), გიორგი კვესელაძე (24 კეპი, 20 ქულა), დემე თაფლაძე (2 კეპი, 5 ქულა), ლაშა მალაღურაძე (99 კეპი, 198 ქულა), თამაზ მჭედლიძე (57 კეპი, 35 ქულა), სანდრო სვანიძე;</p><p>11-14: აკაკი ტაბუცაძე (2 კეპი, 25 ქულა), სანდრო თოდუა (85 კეპი, 70 ქულა), ზურაბ ძნელაძე (11 კეპი, 15 ქულა);</p><p>15: სოსო მათიაშვილი (27 კეპი, 152 ქულა), დავით ნინიაშვილი.</p></p></p><p><p><p><strong>rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
გიორგი
რუსეთთან თამაში რომ გადაიდოს, ხომ არ სჯობს?
გიორგი
მათიაშვილი ძალიან სუსტია. ცუცქირიძე და მოდებაძე ძალიან დააკლდება გუნდს. ორივეს ტრამვა აქვს?
სიმართლე
მოკლედ რაგბის კავშირში არის ,,ვიღაც" მოკალათებული,რომელსაც ცოცხალი თავით არ სურს ზურა ჟვანია ნაკრებში... ასეა ეს
---
შეიძლება სუბიექტური ვარ მაგრამ მგონია, რომ ჟვანია უნდა იყოს ნაკრებში. დინამიკაში ძალიან კარგია ჩემი აზრით და ბრიტანულ გუნდებთან თამაშის გამოცდილებასაც აქვს ჩემი აზრით მნიშვნელობა.
მთ
ამ შემადგენლობით რუსეთთან უნდა გვეთამაშა
ემიგრანტი ქაქუცა
ჟვანიამ "აცრილებში" გადაინაცვლა??? სამწუხაროა!!!
....
ჩანს,ჭკვიანი უფრო ხარ,ვიდრე გიჟი...
ტყეშელაანთ გიჟი
ძალიან სუსტი უკანა ხაზი გვყავს, გაგვხევენ გრანდები
პაატა
იქნებ დაწეროთ მოდებაძე და ცუცქირიძე რატომ არ არიან? მადლობა
: )))))))
სამწუხაროდ არ ჩანს თოდუაზე უკეთესი ფლანგელი. მათიაშვილზეც ანალოგიური მდგომარეობაა. სამოყვარულო რაგბიდან მოვიდა, თავისი მეცადინეობით იქამდე მივიდა, რომ 14 დან 15 ნომერზე გადაინაცვლა. ის , რომ მის პოზიციაზე მხოლოდ 18 წლის ნინიაშვილი მიიწვიეს, მეტყველებს ყველაფერზე. რეალობა ის არის, რომ ჩვენ ძალიან მოვიკოჭლებთ უკანახაზელთა , განსაკუთრებით 15 ნომრის მომზადების პრაქტიკით. ამას მხოლოდ ამ კატეგორიის მოთამაშეთა ძლიერ კლუბებში ინტეგრაციით თუ მოევლება
ddgfdf
ჟვანიას ესეც არ იძახებს?
????
კულუარული ინფორმაციით, ჟვანიას ცნობილი განცხადებების შემდეგ ურთიერთობა დაეძაბა მოთამაშეებთან. ეს რამდენად რეალურია ვერ ვიტყვი, მაგრამ არის ასეთი მოსაზრებაც
: )))))))
ტრავმირებულია
გიორგი
ცუცქირიძე სად არის ?
hasheem
უსუსტესი უკანა ხაზი....
რიგითი
იდეალურთან მიახლოებილი შემადგენლობაა..მხოლოდ ორი შესწორება. უბრალოდ თოდუა უკვე ასაკშია .. აი მათიაშვილი კი მიუხედავად მებრძოლი და ჯიგრიანი სულისა ამ ბიჭს არ აქვს ფულბეკზე სათამაშოდ საკმარისი ათლეტიზმი და სწორი პოზიციის შერჩევის უნარი
Dato
შექმნილი ვითარების მიუხედავად ჟვანიას არ გამოძახება რითია განპირობებული? ტრავმა თითქოს არ აქვს
"ბორჯღალოსნები" | მომავალი მეტოქე - "ჩიტასი"
ქოქრილი: გაღიზიანება მესმის, გუნდი შენების პროცესშია და მინდა ეს გაიგოთ
ირლანდიასთან მატჩში "ბორჯღალოსნების" შემადგენლობა ცნობილია
ჩაკვეტაძემ "უოტფორდის" პირველ მატჩში ვერ ითამაშა
"ასეთ სიტუაციაში ვერავის ვერ დავადანაშაულებ" - მუსიალას ვიდეომიმართვა
“თბილისი” საფრანგეთში, ორლეან 3×3 ჩელენჯერში საასპარეზოდ მიემგზავრება
საქართველოს U16 ნაკრები ევრობასკეტისთვის მზადებას ამბროლაურიდან იწყებს
"იუვენტუსს" ვლაჰოვიჩთან კონტრაქტის გაწყვეტა სურს
"ბორჯღალოსნები" | მომავალი მეტოქე - "ჩიტასი"
[VIDEO] პედროს დუბლი ყოფილ გუნდთან - "ჩელსი" ფინალში გავიდა
კვარაცხელია "რეალის" წინააღმდეგ. პსჟ-მ ოკეანისგაღმა დესანტი გადასხა - ორმა ფეხბურთელმა გუნდი ნაადრევად დატოვა
"ბაიერნი" პსჟ-ს ბარკოლაში სოლიდურ თანხას შესთავაზებს
პსჟ-ს ორი ფეხბურთელისთვის საკლუბო მუნდიალი დასრულდა
პსჟ-ს შემტევის ძმა შეიძლება "მილანში" გადაბარგდეს
"ოქროს ბურთი" მისთვის ჯერ ადრეა" - მაკელელემ იამალზე ისაუბრა
"რეალი" გონსალო გარსიას არ გაუშვებს
ბონიფისი ან ვლაჰოვიჩი - "მილანი" ფორვარდის დამატებას ცდილობს
დარვინი "ნაპოლის" უახლოვდება - ნუნუესი სავარაუდოდ, "პარტენოპეის" ფორვარდი გახდება
დაბრუნება 18 წლის შემდეგ - ანხელ დი მარია კვლავ "როსარიო სენტრალში" ითამაშებს
"ლიონმა" "რომას" მიქაუტაძის სანაცვლოდ გიჟური თანხა მოსთხოვა - Corriere dello Sport შესაძლო ტრანსფერზე
შჩესნიმ გაახანგრძლივა - პოლონელი "ბარსელონაში" კიდევ 2 წელი დარჩება
ალეგრიმ დაადასტურა - ლუკა მოდრიჩი კარიერას "მილანში" განაგრძობს
"უხეში სიტყვები გაცვალეს... "ბაიერნის" ფეხბურთელები მატჩის მერე პსჟ-ის გასახდელთან მივიდნენ და ეს მოხდა" - რაფინიამ უცნობი ისტორია მოჰყვა
ჯალაღონიას ლელო - "ბორჯღალოსნები" ირლანდიასთან დიდი ანგარიშით დამარცხდნენ
ირლანდიასთან მატჩში "ბორჯღალოსნების" შემადგენლობა ცნობილია
"ბორჯღალოსნები" | მომავალი მეტოქე - "ჩიტასი"
"ბორჯღალოსნები" | თამაშის კვირა
ქოქრილი: გაღიზიანება მესმის, გუნდი შენების პროცესშია და მინდა ეს გაიგოთ
"ბორჯღალოსნები" | ექვსი ერის 24-გზის გამარჯვებული თბილისში! - ირლანდიასთან 5 ივლისს "მიხეილ მესხზე"