საქართველოს მორაგბეთა ნაკრების კაპიტანმა მერაბ შარიქაძემ ტელეკომპანია "მთავარ არხზე", გადაცემა "შენი დილას" ეთერში ისაუბრა და ქართველ გულშემატკივარს მიმართა."სადაც შანსი მექნება, მინდა ეს ყველგან ვთქვა. როგორც წესი, თუ ძლიერ გუნდს ვეთამაშებით, ჩვენი გულშემატკივრები საგულშემატკივროდ სტადიონზე მოდიან.
გასული მსოფლიო ჩემპიონატის წინ "დინამო არენაზე" შოტლანდიას ვეთამაშეთ, თუმცა მოედანი არ გაივსო. როდესაც გვაქვს პრეტენზია, რომ "ექვს ერში" მიგვიღონ, ასეთი რამ არ უნდა ხდებოდეს. პირადად ჩემთვის, ეს ფაქტი სამარცხვინო იყო.
ჩვენი ქომაგი მოწინააღმდეგის სიძლიერის მიხედვით წყვეტს, მივიდეს თუ არა სტადიონზე. ვფიქრობ, ეს არასამართლიანია როგორც
ამის გამო გერმანიასთან გასამართი შეხვედრა პატარა სტადიონზე ("ავჭალის სტადიონზე") გაიმართება, რადგან კავშირში ივარაუდეს, რომ ბევრი ქომაგი არ მოვიდოდა. მეც დარწმუნებული ვარ, რომ ეს ნამდვილად ასე იქნებოდა. როდესაც ჩვენ გვეკითხებიან, თუ სად გვირჩევნია თამაში, ცხადია, პატარა სტადიონს ვირჩევთ, რადგან დიდ მოედანზე ცარიელი ტრიბუნების ფონზე თამაშისას იმედგაცრუებული ვრჩებით, ეს ხასიათსა და მიდგომაზე ძალიან მოქმედებს", - განაცხადა შარიქაძემ.
შეგახსენებთ, საქართველოს ნაკრები "რაგბი ევროპის" ფარგლებში პირველ მატჩს გერმანიის წინააღმდეგ 5 თებერვალს, 13:00 საათზე გამართავს.
წყარო: "მთავარი არხი"
შარიქაძე: ბევრი სცდება და ბევრს აზრის შეცვლა მოუწევს
შარიქაძე: კარგი იქნებოდა მსაჯიანად მოგვეგო
!["ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?" - მერაბ შარიქაძისა და რიჩარდ კოკერილის ინტერვიუ [VIDEO]](/pictures/image7/13a43da2348df77665f619fb325bd0f1.png "\"ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?\" - მერაბ შარიქაძისა და რიჩარდ კოკერილის ინტერვიუ [VIDEO]")
