<p><p><p>"წლევანდელი რაგბი ევროპის ჩემპიონატში თამაშიდან თამაშამდე ვუმატებდით და ფაქტიც სახეზეა - პორტუგალიის ძალიან კარგ გუნდთან, ფინალში საუკეთესო თამაში ვაჩვენეთ და დამაჯერებელი ანგარიშით, 38:11 მოვიგეთ", - ამბობს "ბორჯღალოსნების" მთავარი მწვრთნელი ლევან მაისაშვილი 19 მარტს ბადახოსში გამართული მატჩის შესახებ და განაგრძობს:</p><p>"მნიშვნელობიდან გამომდინარე ფინალი ყოველთვის რთულია, განსაკუთრებით იმ პირობებში, როგორშიც ჩვენ მოგვიწია თამაში. ადრეც ვთქვი და გავიმეორებ, სრულიად გაუგებარი მიზეზის გამო, ფინალი ესპანეთის ქალაქ ბადახოსში გაიმართა, რომელიც ლისაბონთან უფრო ახლოსაა, ვიდრე მადრიდთან და ესპანეთი გავიდოდა ფინალში თუ პორტუგალია, ის ფაქტობრივად საკუთარ მოედანზე თამაშობდა.</p><p>ვისურვებდი, რომ ტურნირის და ფინალური მატჩის ორგანიზება უკეთესი ყოფილიყო. არ იყო ვიდეო-რეფერი, რაც ამ დონის ტურნირს არ ეკადრება და შედეგად ორი 100%-იანი ლელო გაგვიუქმდა. გვქონდა შეცდომებიც, რის გარეშეც თამაში არ არსებობს და 3-4 რეალური სალელოვე მომენტი ვერ გამოვიყენეთ. მთლიანობაში ჩემი გუნდის თამაშით კმაყოფილი ვარ. იგრძნობოდა დავალებების შესრულების სურვილი და შესაძლებლობა, რამაც შესაბამისი შედეგი მოიტანა.</p><p>დებიუტში მეტოქემ ჩვენი უყურადღებობით ისარგებლა და ლელოთი ანგარიში გახსნა, მაგრამ არ ყოფილა არცერთი მომენტი, როდესაც არ ვდომინირებდით. შედეგად, წაუგებელი მატჩების სერია 29-მდე გავზარდეთ, მოვიგეთ მე-100 შეხვედრა რაგბი ევროპაზე, მსოფლიო რეიტინგში ავინაცვლეთ მე-11 ადგილზე და შორს აღარ არის დრო, როდესაც 10-ეულში დამკვიდრებისთვის ვიბრძოლებთ.</p><p>საქართველო პორტუგალიას წელს კიდევ ერთხელ, საფრანგეთში გასამართ მსოფლიო თასზე 23 სექტემბერს, ტულუზში შეხვდება. მაისაშვილი დარწმუნებულია, რომ მომავალ შეხვედრაში საქართველო უპირობო ფავორიტი იქნება:</p><p>"თუ არ ჩავთვლით ზაფხულის მოსამზადებელ ტესტ-მატჩებს, რაგბი ევროპის ჩემპიონატი ჩვენი ბოლო აქტივობა იყო მსოფლიო თასამდე. პირველიდან ბოლო მატჩამდე სამწვრთნელო შტაბმა და მორაგბეებმა დიდი სამუშაო გავწიეთ და პროგრესიც თვალსაჩინოა. ფაქტი სახეზეა, პორტუგალიას, რომელიც მსოფლიო თასზე თამაშობს, დამაჯერებელი ანგარიშით მოვუგეთ. ფინალში მხოლოდ 9 ჯარიმა ავიღეთ, რაც კარგი მაჩვენებელია. მთლიანობაში, განვლილმა შეხვედრამ დაგვანახა, რომ თუ გვექნება თამაშის მართვა, პორტუგალია ვერცერთ კომპონენტში ვერ გვაჯობებს. ტულუზში ყველაფერი ჩვენზე იქნება დამოკიდებული.</p><p>როდესაც წელიწადში სულ 11 თამაში გაქვს და მათგან 3-4 ისეთი, რომელიც არაფერში ჯდება, გუნდის შეთამაშება და პროგრესი ძალიან რთულია. ბოლო 4 წლის განმავლობაში გუნდში უამრავი დებიუტანტის შემოდინება მოხდა, მაგრამ თამაშების რეოდენობის სიმცირიდან გამომდინარე, შემადგენლობის ხშირი როტაციის ფუფუნება არ გვაქვს. ამ ფონზე ვცდილობთ "შავი ლომის" გაძლიერებას და მის კარგ ტურნირში ჩართვას, რათა მაღალი დონის თამაშების დეფიციტი მინიმუმამდე დავიყვანოთ".</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> <p></strong></p></p><br></p>
სოსო
შეგვიშვან 6 ერში და სამ წელიწადში,ბოლო ადგილზე აღარ ვიქნებით.თუ მეშვიდე გუნდად დაგვიმატეს,მაშინ კიდევ უფრო ადრე.მწვრთნელმა,თავიდან გაგვიჭირდაო...თამაშში გვიან ვერთვებით და ძლიერ გუნდებთან,ბევრჯერ დაგვემართა ისე,რომ სანამ ჩვენ თამაშში ჩავერთეთ,უკვე წაგებული გვქონდა.რა თქმა უნდა,ეს უფრო წინა წლებში გვემართებოდა,ძალიან ძლიერ გუნდებთან,მაგრამ ახლაც იგრძნობა,ეს ჩვევა.9 ჯარიმა მატჩში,საკმაოდ ბევრი მგონია.ჩვენმა ნაკრებმა საგრძნობლად გადაასწრო,კლასით მეტოქეს და ამდენი დარღვევა,წესით არ უნდა დაგვეშვა.ცოტა მსაჯმაც მოგვიმატა,ჯარიმები,მაგრამ მაინც.კარგი ნაკრები გვყავს და თუ წინა მსოფლიოსავით,მზადებაში არ დავუშვით შეცდომები,ვფიქრობ,ძალიან კარგად გამოვალთ,მსოფლიოს თასზე.სწორედ ამას ვუსურვებ,ბორჯღალს
jei
წარმატებები თქვენ სამწვრთნელო შტაბს.. წარმატებები ქართველ მორაგბეებს..საამაყონი ხართ
როგორ განწყობაზეა ჩვენი მეტოქე? - "ჩიტასის" შემადგენლობა
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
"ბორჯღალოსნები" | მომავალი მეტოქე - "ჩიტასი"
16 წლამდე გოგონათა ნაკრებმა გიბრალტარი გაანადგურა და ბრძოლას მე-5 ადგილისთვის აგრძელებს
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
"არსენალი" და "სპორტინგი" ვერ თანხმდებიან, იოკერეში გაცეცხლებულია - რა ბედი ეწევა შვედს?
"ჩემი აზრით, ის "ოქროს ბურთს" იმსახურებს" - დონარუმას აგენტმა იტალიურ გამოცემასთან ისაუბრა
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩვენს გუნდში საუკეთესოა" - ენრიკემ შეგირდი შეაქო
გაუპატიურების ბრალდებით - NBA-ის ყოფილი კალათბურთელი 8 წლით დააპატიმრეს
"ამაზე უკეთესი კომპლიმენტი არ არსებობს" - რა თქვა კარაგერმა პსჟ-ზე?
"დომინანტი გუნდი ვართ" - ლუის ენრიკე "ბარსას" ფანების მილოცვებს ვერ აუდის
როგორი შეფასებები მიიღეს პსჟ-ს ფეხბურთელებმა "რეალთან" მატჩში?
[VIDEO] პსჟ GALACTICS! - "კვარას" გუნდმა "რეალი" გაანადგურა და ფინალში გავიდა
14 კაცით მძიმე ბრძოლაში - ახალგაზრდა "ბორჯღალოსნების" დასანანი ფრე იტალიასთან
3:0. პირველი ტაიმის შემდეგ პსჟ "რეალს" ამარცხებს
"რეალთან" მატჩში პსჟ-ს სასტარტო შემადგენლობა ცნობილია
პსჟ-ს ორი საკლუბო რეკორდის დამყარება შეუძლია
ჩაკვეტაძემ "უოტფორდის" პირველ მატჩში ვერ ითამაშა
"ასეთ სიტუაციაში ვერავის ვერ დავადანაშაულებ" - მუსიალას ვიდეომიმართვა
ოფიციალურად: "ლიონი" მომდევნო სეზონში ლიგა 1-ში ითამაშებს
“თბილისი” საფრანგეთში, ორლეან 3×3 ჩელენჯერში საასპარეზოდ მიემგზავრება
საქართველოს U16 ნაკრები ევრობასკეტისთვის მზადებას ამბროლაურიდან იწყებს
ჯალაღონიას ლელო - "ბორჯღალოსნები" ირლანდიასთან დიდი ანგარიშით დამარცხდნენ
"მოგებიდან დიდ მარცხამდე ერთი ნაბიჯია" - რა ითქვა "კლერმონთან" ნამატჩევს
ირლანდიასთან მატჩში "ბორჯღალოსნების" შემადგენლობა ცნობილია
"ბორჯღალოსნები" | მომავალი მეტოქე - "ჩიტასი"
ლევან მაისაშვილი – მაღალი მიღწევების დირექტორი
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
ქოქრილი: გაღიზიანება მესმის, გუნდი შენების პროცესშია და მინდა ეს გაიგოთ
"არ ვითხოვთ ფულს, ვითხოვთ შესაძლებლობას" - ლევან მაისაშვილი
როგორ განწყობაზეა ჩვენი მეტოქე? - "ჩიტასის" შემადგენლობა
ლევან მაისაშვილი: "შავმა ლომმა" ისტორია დაწერა
ჩელენჯ თასი | ისტორიული მატჩის შემდგომი კომენტარები
ლევან მაისაშვილი: ეს დიდი დაფასებაა და ღირსეულად უნდა წარვდგეთ