"ბორჯღალოსნებმა" 2023 წლის მსოფლიო თასისთვის მზადების მეორე ეტაპი დაასრულეს. ერთკვირიანი შესვენების წინ, გუნდმა „შევარდენის“ სანაკრებო ბაზაზე გულშემატკივრისთვის ღია ვარჯიში გამართა.ინტენსიური ვარჯიში, რომელიც მართვად ორმხრივ თამაშსაც მოიცავდა, თითქმის ორ საათს გაგრძელდა. ზაფხულის პაპანაქების მიუხედავად, მორაგბეები მაღალ ტემპში ირჯებოდნენ და სხვადასხვა სტატიკური სიტუაციებიდან კომბინაციებს რეალური წინააღმდეგობის ფონზე ხვეწდნენ.
გუნდთან ერთად არ უვარჯიშიათ თედო აბჟანდაძეს და ბექა გორგაძეს, რომლებსაც მცირე დაზიანებები აქვთ, თუმცა ისინი ინდივიდუალური პროგრამით აგრძელებენ მზადებას. გახურებისას დაშავდა დემე თაფლაძე და მისი დაზიანების სიმძიმე მოგვიანებით გახდება ცნობილი.
ვარჯიშის დასრულების შემდეგ
მთავარმა მწვრთნელმა ლევან მაისაშვილმა და მორაგბეებმა განვლილ პერიოდზე და გასახურებელ მატჩებზე ისაუბრეს, რომლებსაც "ბორჯღალოსნები" 12 და 19 აგვისტოს თბილისში, „მიხეილ მესხზე“ რუმინეთთან და აშშ-სთან, ხოლო 26 აგვისტოს შოტლანდიასთან ედინბურგში გამართავენ.
ვარჯიშის დასრულების შემდეგ
![Sportall.Ge](/pictures/artimages/original/80c83784a8ca2f670c640ec7dcb609a6.jpg ""ბორჯღალოსნები" | მსოფლიოსთვის მზადების მეორე ეტაპი დასრულდა")
ლევან მაისაშვილი: „მზადების მეექვსე კვირა დავასრულეთ და ჯერჯერობით ყველაფერი გეგმის მიხედვით მიდის. თავს არავინ ზოგავს და ინტენსიური, აქტიური ვარჯიშები გვაქვს. ერთადერთი, რაც ხელს გვიშლის წვრილ-წვრილი ტრავმებია. ბექა გორგაძისა და თედო აბჟანდაძის გარდა, დაზიანება მიიღო დემე თაფლაძემ, რომლის მდგომარეობას უახლოეს პერიოდში გავიგებთ. შემდეგი კვირიდან სრული დატვირთვით შემოგვიერთდება ბექა გიგაშვილი. სხვა ყველა ლიმიტირებული მორაგბე უკვე მწყობრშია და გუნდთან ერთად ვარჯიშობს“.
„დაგვემატა სამი მოთამაშე 20-წლამდელთა ნაკრებიდან, რომლიდან ორი გამოძახებულთა შორის თავიდანვე იყო. ჩვენ მათ კარგად ვიცნობთ, ეროვნული და 20-წლამდელთა ნაკრები ერთი სისტემით ვარჯიშობს და ჩართულობის მხრივ პრობლემა არ შეგვქმნია“.
„ახლა ერთი კვირა დავისვენებთ და მომავალი კვირიდან უშუალოდ გასახურებელი მატჩებისთვის დავიწყებთ მზადებას. მოთამაშეები, სამწვრთნელო შტაბი, რაგბის კავშირი, მაქსიმუმს აკეთებს, რათა მსოფლიო თასისთვის კარგად მოვემზადოთ და გასახურებელ თამაშებზე ძალიან დაგვჭირდება გულშემატკივრის თანადგომა, რაც ჩვენთვის უმნიშვნელოვანესია“.
„ახლა ერთი კვირა დავისვენებთ და მომავალი კვირიდან უშუალოდ გასახურებელი მატჩებისთვის დავიწყებთ მზადებას. მოთამაშეები, სამწვრთნელო შტაბი, რაგბის კავშირი, მაქსიმუმს აკეთებს, რათა მსოფლიო თასისთვის კარგად მოვემზადოთ და გასახურებელ თამაშებზე ძალიან დაგვჭირდება გულშემატკივრის თანადგომა, რაც ჩვენთვის უმნიშვნელოვანესია“.
გიორგი ჭყოიძე: „ინტენსიური მზადება გვაქვს და ურთულესი კვირები გავიარეთ, რომელიც მოიცავდა აუცილებელ ფიზ. მომზადებას და დიდი დოზით რაგბს. ყველანი ვგრძნობთ, რომ წინ მივდივართ და ველოდებით გასახურებელ თამაშებს. პირველი შეხვედრა კარგად ნაცნობ რუმინეთთან გვიწევს, რომელსაც ჩვენს ძლიერ მხარეებს დავუპირისპირებთ. მესმის, რომ ზაფხულია და ძალიან ცხელა, თუმცა ჩვენ ძალიან გვჭირდება გულშემატკივრის თანადგომა და იმედი მაქვს „მიხეილ მესხის“ ტრიბუნები შეივსება. ჩვენის მხრივ მაქსიმუმს გავაკეთებთ, რათა ისინი და მთელი ქვეყანა გავახაროთ“.
ოთარ ლაშხი: „თავიდან შედარებით მსუბუქი სავარჯიშო კვირები გვქონდა და ინტენსივობა ნელ-ნელა იზრდებოდა. ყველა ვხედავთ პროგრესს დარბაზსა თუ მოედანზე. წინა მსოფლიო თასებისგან განსხვავებით, ეს მოსამზადებელი ეტაპი შედარებით ხანმოკლეა და ყველა მაქსიმალურად ვცდილობთ დავიხარჯოთ. ახლა გველის ტესტ-მატჩები, რომლებიც აუცილებელია სათამაშო პრაქტიკის მისაღებად. ვეცდებით ვარჯიშებზე გავლილი დეტალები თამაშში გადავიტანოთ და ჩვენი დონე კიდევ უფრო ავწიოთ“.
Rugby.ge
![alt](/pictures/image50/9c22bb812bc75127edec31580deb3c08.jpg ""ბორჯღალოსნები" | მსოფლიოსთვის მზადების მეორე ეტაპი დასრულდა")
"ბორჯღალოსნები" | მზადების პირველი კვირა
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
