მსოფლიო თასზე ფიჯისთან მატჩის წინ კომენტარი საქართველოს ნაკრების მწვრთნელმა ლევან მაისაშვილმა გააკეთა:
"განწყობა ყოველთვის საბრძოლოა, ეს არასოდეს არ დაგვკლებია. სამწუხაროა, რომ პორტუგალიასთან მეორე ტაიმში ვერ შევძელით იმის შესრულება, რაც დაგეგმილი გვქონდა. ზედმეტია იმაზე საუბარი, რომ ვინმეს განწყობა არ ჰქონდა. რა თქმა უნდა, ფიჯის წინააღმდეგ საბრძოლო განწყობაა. ჩვენ არც ერთ თამაშზე ამის გარეშე არ გავდივართ.
მე მესმის, რთულია, განსაკუთრებით იმ ხალხისთვის, ვინც მოგებას ელოდა და ახლა რამდენი მიზეზიც არ უნდა დავასახელოთ, პორტუგალიასთან ცალი ფეხით რომ ვყოფილიყავით, უნდა მოგვეგო. პასუხისმგებლობას არ გავურბივართ,
განსაკუთრებით მე, რაც სრულად მაქვს გააზრებული. თუმცა, არაფერი არ მთავრდება, ფიჯისთან დაპირისპირებაზე ვართ კონცენტრირებული და დარწმუნებული ვარ, ნებისმიერი მოთამაშე, რომელიც მოედანზე გავა, 100%-ით მზად იქნება და ყველაფერს გაიღებს, რათა ის სახე აჩვენოს, რითაც ვამაყობთ. დიდი სურვილი მაქვს ამით იამაყოს ერმა.
რაც შეეხება ბუკას (შარიქაძე), ტრავმა აქვს, პასუხი საბოლოოდ არ მიგვიღია, კიდევ ველოდებით სპეციალისტების დასკვნას. სავარაუდოდ ტრავმა სერიოზული არაა".
საქართველოსა და ფიჯის ნაკრებების შეხვედრა ბორდოში 30 სექტემბერს თბილისის დროით 19:45 საათზე დაიწყება.
"ბორჯღალოსნები" | შეცვლილი შემადგენლობით ფიჯისთან
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
სხვა საკითხია, რომ კონტაქტები და ბოჭვების ხარისხი ცუდია და ეს ფაქტია! ხაზში გვიჭირს ისევ - ფიზიკაშიც და კლასშიც. ბოლო გადაცემა, ჩათვლის მოედანში შესვლა და ვერ დამიწება, კრიტიკულ მომენტებში ბურთის ხელიდან გავარდნა, ტაქტიკური დარტყმები და სხვა. შეგრძნება არის ისეთი, რომ ამ თაობას მეტი შეუძლია. ფიჯი ძალიან დალაგებულ და ორგანიზებულ თამაშს აჩვენებს. კლასითაც და ძალითაც საკმაოდ აღგვემატება. ერთადერთი შერკინებაში ვჩაგრიდით შედარებით და ესეც აღარ გვაქვს და ჯგუფიდან გასვლის რეალურ შანსსაც თუ დავამატებთ თავს მოიკლავენ. ჩვენი მოტივაცია ნულია, რადგან შემდეგ ჩემპიონატზე ევროპიდან მაინც გავალთ (იმედია ესპანეთიც არ გადაგვივლის პორტუგალიასავით). ათეულში შესვლა კი არა იქნებ ხუთმეტეულიდან არ გავვარდეთ (არც ეს არ არის პანაცეა), ყველაზე გულსატკენია, რომ იმ თამაშს ვერ ვაჩვენებთ რაც შეგვიძლია. ფაქტია, რომ მოუმზადებლები ვართ. წარმატებები და ღვთის წყალობა ბიჭებს. ყველაზე ცუდი ის იქნება გული თუ გაუტყდათ.
ის რა უნდა მიგვეღო(მოგება) პორტუგალიასთან და არ მივიღეთ, მოგვეცემა იქ სადაც ამას არ/ვერ ვგეგმავდით(ფიჯისთან).
მოვიგებთ, ოღონდ ფიჯი ბონუს ქულას აიღებს და ბოლო ტურში ბონუსით მოუგებს პორტუგალიას!
მთავარია სიტყვა წარმოთვა, და რას საქმეს/შედეგს მნიშვნელობა არ აქვს - აკეთე რაც გინდა. სიტყვის მოგებაზე დავიდა ვალდებულების გაგება.