"ბორჯღალოსნები" | 34 მოთამაშით იაპონიასა და ავსტრალიაში

AutoSharing Option
ფიჯისთან ბათუმში გამართული მატჩის (12:21) შემდეგ "ბორჯღალოსნები" იაპონიაში ჩავიდა, სადაც 13 ივლისს სენდაიში, საქართველოს დროით 14 საათზე "იურტეკ სთედიუმზე" "საკურებს" ერკინება.

მეორე დღეს, 14 ივლისს, ჩვენი გუნდი ავსტრალიაში გაემგზავრება და 20 ივლისს სიდნეიში, ჩვენი დროით 09:45 საათზე, "ალიანს სთედიუმზე" "ვოლაბებთან" მსოფლიო თასს მიღმა პირველად ითამაშებს.

რიჩარდ კოკერილის გაფართოებულ რაზმში 34 მორაგბეა – 20 მორკინალი და 14 ხაზის მოთამაშე. ფიჯისთან მხრის ტრავმა მიიღო ილია სპანდერაშვილმა და მთავარმა მწვრთნელმა მის ნაცვლად იოანე იაშაღაშვილს უხმო, რომელიც "ბორჯღალოსნების" შეკრებაზე ორჯერ იყო გამოძახებული, თუმცა მისი
კვართით ჯერ არ უთამაშია.

იაშაღაშვილის გარდა, გუნდში კიდევ 6 პოტენციური დებიუტანტია: ბურჯები ლუკა გოგინავა და გიორგი ძმანაშვილი, მეორეხაზელი დემურ ეფრემიძე, ცენტრი გიორგი შველიძე და ფრთები – შალვა აფციაური და ამირან შვანგირაძე.

შვანგირაძე ერთადერთი მორაგბეა, რომელიც "ბორჯღალოსნებში" დიდი 10-იდან, კერძოდ, ქვეყნის ჩემპიონ ქუთაისის "აიადან" მოხვდა. 12 მოთამაშითაა წარმოდგენილი ქართული ფრენჩაიზი "შავი ლომი", 21 კი ლეგიონერია.

"ბორჯღალოსნების" შემადგენლობა 2024 წლის ზაფხულის ტურნეზე

პირველი ხაზი:
გიორგი ახალაძე (კლერმონი, 6 კეპი), გიორგი მამაიაშვილი (გრენობლი, 6), ლუკა გოგინავა (მონ-დე-მარსანი); ვანო კარკაძე (მონპელიე, 13, 3 ლელო), ლუკა ნიორაძე (ორიაკი, 7), ლუკა პეტრიაშვილი (სტად ფრანსე, 1); ირაკლი აფციაური (ლიონი, 8), ალექსანდრე ქუნთელია (ლა როშელი, 5, 1), გიორგი ძმანაშვილი (ბეზიე);

მეორე ხაზი:
მიხეილ ბაბუნაშვილი (შაბი ლომი, 8, 2), გიორგი ჯავახია (გრენობლი, 13, 1), ლადო ჩაჩანიძე (შავი ლომი, 17, 1), ლაშა ჯაიანი (ნევერი, 21), დემურ ეფრემიძე (შავი ლომი);

მესამე ხაზი: ბექა საღინაძე (ლიონი, 40, 3), ბექა გორგაძე (პო, 46, 13, კაპ.), თორნიკე ჯალაღონია (პროვანსი, 33, 7), გიორგი ცუცქირიძე (შავი ლომი, 36, 7), ლუკა ივანიშვილი (შავი ლომი, 13, 2), იოანე იაშაღაშვილი (მონ-დე-მარსანი);

9-10: ვასილ ლობჟანიძე (ოიონა, 85, 15, 78 ქულა), მიხეილ ალანია (ორიაკი, 13, 2), გელა აფრასიძე (პერპინიანი, 53, 3, 35 ქულა); ლუკა მატკავა (შავი ლომი, 20, 2, 126 ქულა), თედო აბჟანდაძე (ორიაკი, 53, 7, 351 ქულა);

ცენტრები: გიორგი კვესელაძე (გრენობლი, 58, 8), თორნიკე კახოიძე (შავი ლომი, 5), დემურ თაფლაძე (შავი ლომი, 37, 4), გიორგი შველიძე (ბრივი);

ფრთები და ფულბეკი: დავით ნინიაშვილი (ლიონი, 30, 10, 63 ქულა), აკაკი ტაბუცაძე (შავი ლომი, 41, 37), ალექსანდრე თოდუა (შავი ლომი, 113, 19), შალვა აფციაური (შავი ლომი), ამირან შვანგირაძე (აია).

მთავარი მწვრთნელი: რიჩარდ კოკერილი

Rugby.ge

მკითხველის კომენტარები / 11 /
ქართული რაგბი აწი კაპუტ!
სიმართლე
19:13 09-07-2024
8
აუ ძმებო თქვენ გენაცვალედ გულში რა ხდება ტო რატომ ვეღარ ვიგებდ მე არ ვარ ისეთი გარკვეული რაგბიში მაგრამ გულშემატკივრობა იცოცხლე ცუდად ვხდები როცა ვერ ვქაჩავდ.ძმებო ღმერთმა დაგლოცოდ და გაგაძლიეროდ ხელი მოგიმართოდ და საქართველოს სიყვარულში დავბერებულიყავიდ გენაცვალედ ბიჭებო აბა ღმერთმა გაგაძლიეროთ ამინ ამინ ამინ
კაკო
13:57 09-07-2024
2

სიახლეები პოპულარული