2 ოქტომბერს, იაპონიაში მიმდინარე 2019 წლის რაგბის მსოფლიო თასის C ჯგუფის შეხვედრაში საფრანგეთის ნაკრებმა აშშ მატჩის ბოლო წუთებში გატეხა და მეტოქე 33:9 ბონუს-ქულით დაამარცხა.
თამაში ლოგიკურად უჟეს მიერ მე-5 წუთზე დადებული ლელოთი დაიწყო. ლოპესმა გარდასახვაც ზუსტად დაარტყა და ფრანგები 7:0 დაწინაურდნენ. მე-18 წუთზე მაკგანთიმ ჯარიმა გაიტანა და სხვაობა შეამცირა, 23-ე წუთზე კი რაკამ დადო კიდევ ერთი ლელო ფრანგების მხრიდან, თუმცა ტაიმის ბოლომდე ამერიკელებმა კიდევ ერთი ჯარიმა გაიტანეს და პირველი ნახევარი ფრანგებმა 12:6 მოიგეს.
მეორე ტაიმში, 64-ე წუთზე მაკგანითიმ მე-3 ჯარიმა გაიტანა და ანგარიშში სხვაობა 3 ქულამდე შეამცირა. თუმცა, როგორც აღმოჩნდა, ეს ამერიკელების მაქსიმუმი იყო. დარჩენილ 15 წუთში ფრანგებმა 3 ლელო დადეს. თავი ფიკუმ, პოირომ და სერინმა გამოიჩინეს. ლოპესმა 3-ვე გარდასახვა ზუსტად შეასრულა და საბოლოო ანგარიშიც დააფიქსირა - 33:9.
რაგბის მსოფლიო თასი. C ჯგუფი
საფრანგეთი - აშშ 33:9
ლელოები
საფრანგეთი: ფიკუ, სერინი, პოირო, უჟე, რაკა
გარდასახვები
საფრანგეთი: ლოპესი (4)
ჯარიმები
აშშ: მაკგანთი (3)
"ბორჯღალოსნების" შემადგენლობა ფიჯისთან - მილტონ ჰეიგმა 11 ცვლილება განახორციელა
სწორედ ამისთვის ვმუშაობდით უკანასკნელი რამდენიმე წელი - მილტონ ჰეიგისა და "ბორჯღალოსნების" პრესკონფერენცია
![ევრო 2020. საკვალიფიკაციო: გრიზმანმა, როგორც იქნა, გაიტანა - საფრანგეთი პირველ ადგილზე გავიდა [VIDEO]](/pictures/image7/de2102553ce30ddc18a93aa463a8f1a3.jpg "ევრო 2020. საკვალიფიკაციო: გრიზმანმა, როგორც იქნა, გაიტანა - საფრანგეთი პირველ ადგილზე გავიდა [VIDEO]")
![ევრო 2020. საკვალიფიკაციო: კოსოვო დამარცხდა და თბილისში ბელორუსი მოდის - ევროპირველობის საგზური ათმა გუნდმა მოიპოვა [VIDEO]](/pictures/image7/598738dbec6a143572331ace0020555f.jpg "ევრო 2020. საკვალიფიკაციო: კოსოვო დამარცხდა და თბილისში ბელორუსი მოდის - ევროპირველობის საგზური ათმა გუნდმა მოიპოვა [VIDEO]")
