ევროპის ყველაზე პრესტიჟული საკლუბო ტურნირის, ჩემპიონთა თასის მეოთხედფინალში ქართველი ლეგიონერების ოთხი გუნდი გავიდა.პირველ ჯგუფში პირველი ადგილი დაიკავა ლექსო ყაულაშვილის ‘ლა როშელმა’, რომელმაც დასკვნით ტურში ინგლისური ‘ჰარლიქუინსი’ 16:7 დაამარცხა. ქართველმა ბურჯმა შეცვლაზე 54-ე წუთიდან ითამაშა და მას შემდეგ ანგარიში აღარ შეცვლილა. ‘ლა როშელმა’ 6-იდან 4 თამაში მოიგო და ჯამში 20 ქულა დააგროვა.
მეორე ჯგუფში 5 გამარჯვებით და 22 ქულით პირველი ადგილი დაიკავა დავით ზირაქაშვილის, ვიტო კოლელიშვილისა და ოთარ გიორგაძის ‘კლერმონმა’. დასკვნით ტურში „ვულკანებმა“ უელსური ‘ოსპრეიზი’ 24:7 დაამარცხა. ზირაქაშვილმა პირველიდან 50-ე
მეოთხე ჯგუფში, დასკვნით ტურში პარიზულმა ‘რასინგმა’ ‘ლესთერ თაიგერსი’ ინგლისში 23:20 დაამარცხა, 19 ქულით სამ საუკეთესო მეორეადგილოსანს შორის მოხვდა და მეოთხედფინალში გავიდა. ‘რასინგის’ შემადგენლობაში 58-ე წუთიდან ითამაშა ვასილ კაკოვინმა.
19 ქულით და მეორე ადგილით დაძლია ჯგუფური ეტაპი ლევან ჩილაჩავასა და მამუკა გორგოძის ‘ტულონმა’. ტულონელები დასკვნით ტურში ‘სკარლეტს’ უელსში ეწვივნენ და 27:30 დამარცხდნენ, თუმცა ბონუს-ქულამ მეორე ადგილის დაკავების და მეოთხედფინალში გასვლის საშუალება მისცა.
ქართველი ლეგიონერების გუნდებიდან ჯგუფური ეტაპი მხოლოდ ‘მონპელიემ’ ვერ გადალახა, რომელმაც დასკვნით ტურში ირლანდიური ‘ლენსტერი’ მიიღო და 14:23 დამარცხდა. მიხეილ ნარიაშვილმა (59 წუთი) და კოტე მიქაუტაძემ (72 წუთი) თამაში ძირითადში დაიწყეს, ხოლო გელა აფრასიძემ შეცვლაზე 6 წუთი ითამაშა.
სამი გუნდი ჩელენჯ ქაფზე
ჩელენჯ ქაფის ფლეი ოფში ქართველი ლეგიონერების სამი გუნდი გავიდა. ანტონ ფეიქრიშვილის ‘კარდიფმა’ ‘ლიონი’ საფრანგეთში 21:18 დაამარცხა და 21 ქულით მეორე ჯგუფში პირველი ადგილი დაიკავა.
მეოთხე ჯგუფში ‘სტად ფრანსემ’ ‘ედინბურგს’ 17:10 მოუგო და 17 ქულით საუკეთესო მეორეადგილოსნებს შორის მოხვდა. ზურაბ ჟვანია სასტარტო შემადგენლობაში იყო და მოედანზე 48 წუთი გაატარა, ხოლო გიორგი მელიქიძე თამაშში 69-ე წუთიდან ჩაერთო.
დასკვნით ტურში ‘ბრივმა’ ‘ვუსტერი’ 33:7 დაამარცხა, 4 ლელოს გატანისთვის ბონუსიც აიღო და 17 ქულით (მეორე ადგილი) ფლეი ოფში გავიდა. ‘ბრივის’ შემადგენლობაში პირველიდან 55-ე წუთამდე ითამაშა ვასილ ლობჟანიძემ, ხოლო კახა ასიეშვილმა მოედანზე 59 წუთი გაატარა. 55-ე წუთიდან ჩაერთო თამაშში სოსო ბეკოშვილი.
‘აჟენი’ ‘ძებრეს’ იტალიაში ეწვია და 30:38 დამარცხდა. პირველიდან 49-ე წუთამდე ითამაშეს ბურჯებმა - ვახტანგ ახობაძემ და გიორგი თეთრაშვილმა.
სტუმრად ‘ნიუპორტთან’ 17:33 დამარცხდა ‘ბორდო’. ფრანგთა შორის შეცვლაზე 74-ე წუთიდან ითამაშა ლაშა ტაბიძემ.
მომზადებულია rugby.ge-ს მიხედვით
