ლეგენდარული ქართველი მორაგბე მამუკა გორგოძე "ჩელენჯ ქაფის" მატჩში მძიმე ტრავმას გადაურჩა.
ფრანგულმა გრანდმა მეორე ტურში უელსურ "სკარლეტს" უმასპინძლა და ბოლო წუთზე გატანილი ლელო-გარდასახვით მინიმალური სხვაობით, 17:16 სძლია.
მასპინძელთა შორის შერკინების მეორე ხაზში პირველიდან 70-ე წუთამდე ითამაშა მამუკა გორგოძემ. მან 5 მიძალებით 15 მეტრი მოიგო და 4 ბოჭვა შეასრულა. გორგოძე აქტიურობდა რაქებში და ტაიმის მიწურულს, მეტოქის ფიჯელი მეორეხაზელი ტევიტა რატუვა მასთან უხეში თამაშის გამო წითელი ბარათით დაისაჯა.
რატუვამ გორგოძეს სახეში მხარი ჩაარტყა, რის შემდეგ ქართველი მორაგბე რამდენიმე წუთი წამოდგომას ვერ ახერხებდა.
"ტულონმა" ზედიზედ მეორე შეხვედრა მოიგო და ორი მატჩის შემდეგ 8 ქულით მეორე ჯგუფში პირველ ადგილზეა.
მამუკა გორგოძე: ქართველი გულშემატკივარი არ არის ამ ანგარიშის ღირსი [VIDEO]
პიცა თუ მწვადი? - მამუკა გორგოძის ბლიც-ინტერვიუ [VIDEO]
მამუკა გორგოძე: ჩემთვის ყველაზე დასამახსოვრებელი მომენტი არის... [VIDEO]
